កម្ពុជាលុប​ចោលតម្រូវការសម្រាប់​ការធ្វើតេស្តPCRដែ​លទទួលបានក្នុងរយៈពេ​ល៧​២ម៉ោង​និងការធ្វើតេស្តរហ័សនៅ​ពេល​មកដល់

សេចក្តី​ប្រកាស​ព័ត៌មាន​របស់​ក្រសួងសុខាភិបាល​នៅថ្ងៃ​ព្រហស្បតិ៍ទី១៧​មីនានេះបានឲ្យដឹងថារដ្ឋាភិបាល​កម្ពុជា​បាន​សម្រេច​លុបចោល​លក្ខខណ្ឌ​តម្រូវ​ឲ្យអ្នក​ដំណើរ​មក​ពីបរទេស​ត្រូវបង្ហាញ​លទ្ធផល​តេស្តPCR​ អវិជ្ជមាន​ក្នុង​រយៈពេល​៧២ម៉ោងរួមនឹង​ការតម្រូវ​ឲ្យធ្វើ​តេស្តរហ័ស​ពេល​អ្នក​ដំណើរ​ទាំង​នោះចូល​មក​កម្ពុជា។​ សម្តេចហ៊ុនសែននាយករដ្ឋមន្រ្តីនៃកម្ពុជាបានលើក​ឡើងថា​ការលុបចោល​លក្ខខណ្ឌ​តម្រូវ​នេះ គឺ​ដើម្បីទាក់ទាញ​វិនិយោគិន​និង​ទេសចរ​អន្តរជាតិ​ចូល​មកកម្ពុជាខណៈ​ដែលអ្នក​ប្រតិបត្តិ​ក្នុង​វិស័យនេះ ​រំពឹងថា​​វិស័យ​ទេសចរណ៍​អាចស្តារ​ឡើងវិញបាន​មួយកម្រិត។​ក្រសួងសុខាភិបាលបានសម្រេចលុបចោលលក្ខខណ្ឌសម្រាប់អ្នកដំណើរបរទេសដែលចូលមកកម្ពុជាដោយពុំចាំបាច់ត្រូវបង្ហាញនូវលទ្ធផលតេស្ត PCR អវិជ្ជមានក្នុងរយៈពេល៧២ម៉ោង មុននឹងមកដល់កម្ពុជាហើយក៏ពុំចាំបាច់ត្រូវធ្វើតេស្តរហ័សទៀតនោះទេទោះបីជាកម្ពុជានិងសកលលោកកំពុងស្ថិតនៅក្នុងបរិការណ៍នៃជំងឺកូវីដ១៩ជាបន្តទៀតក្តី។ក៏ប៉ុន្តែទោះជាយ៉ាងនេះ សម្រាប់ក្រសួងសុខាភិបាល អ្នកដំណើរដែលចូលមកកម្ពុជាគួរតែធ្វើតេស្តរហ័សដោយខ្លួនឯងព្រមទាំងបង្ហាញវិញ្ញាបនបត្របញ្ជាក់ពីការចាក់វ៉ាក់សាំងកូវីដ-១៩ ពេលចូលមកដល់កម្ពុជា។ក្នុងលក្ខខណ្ឌអ្នកដំណើរណា មិនបានចាក់វ៉ាក់សាំងពេញលេញនឹងតម្រូវឲ្យធ្វើចត្តាឡីស័កចំនួន១៤ថ្ងៃនៅតាមទីតាំងណាដែលកំណត់ដោយក្រសួងសុខាភិបាល។ក្រៅតែលក្ខខណ្ឌចំនួន២ដែលត្រូវបានលុបចោល ក្រសួងសុខាភិបាលក៏អនុញ្ញាតឲ្យបើកដំណើរការផ្តល់ទិដ្ឋាការដល់ជនបរទេសដែលមកដល់កម្ពុជា តាមគ្រប់មធ្យោបាយធ្វើដំណើរ។សម្តេចនាយករដ្ឋមន្ត្រី ហ៊ុន សែន ថ្លែងពីខេត្តព្រៃវែង ក្នុងពិធីអញ្ជើញសម្ពោធដាក់ឱ្យប្រើប្រាស់«ភូមិកុមារ SOS» នាព្រឹកថ្ងៃព្រហស្បតិ៍ បានបញ្ជាក់ថា ការសម្រេចនេះធ្វើឡើងទៅតាមសំណើររបស់រដ្ឋមន្ត្រីក្រសួងទេសចរណ៍ក្នុងន័យទាក់ទាញអ្នកទេសចរបរទេស និងអ្នកវិនិយោគចូលមកកម្ពុជា។សម្តេចហ៊ុន សែន បានអះអាងថា ការសម្រេចនេះ ធ្វើឡើងស្របពេលដែលកម្ពុជាកំពុងរៀនរស់តាមគន្លងថ្មីនៃបរិបទកូវីដ-១៩។ជាការកត់សម្គាល់ការចាប់ផ្តើមបើកដំណើរប្រទេសតាមគន្លងប្រក្រតីភាពថ្មីចាប់ពីថ្ងៃទី០១មករានៅមិនទាន់អាចឆ្លើយតបបានទាំងស្រុងទៅនឹងការស្តារឡើងវិញនូវវិស័យទេសចរណ៍កម្ពុជាដែលប៉ះទង្គិចដោយសារវិបត្តិកូវីដ-១៩នោះទេ។

រូបភាពKhmerTime