នៅក្នុងអ្វីដែលត្រូវបានពិពណ៌នាថាជាភាពតានតឹងកិច្ចពិភាក្សារយៈពេល៧ម៉ោងរវាងគណៈប្រតិភូជាន់ខ្ពស់២រូបរបស់សហរដ្ឋអាមេរិកនិងចិននៅក្នុងប្រទេសអ៊ីតាលីប្រធានបទនៃសង្រ្គាមរុស្ស៊ី-អ៊ុយក្រែនបានគ្របដណ្តប់ពេលវេលា។កាលពីថ្ងៃទី១៤ខែមីនានៅទីក្រុងរ៉ូមប្រទេសអ៊ីតាលីសមាជិកការិយាល័យនយោបាយ និងជាប្រធានការិយាល័យមជ្ឈឹមទទួលបន្ទុកកិច្ចការបរទេសនៃបក្សកុម្មុយនីស្តចិនYang Jiechi បានជួបជាមួយទីប្រឹក្សាសន្តិសុខជាតិអាមេរិកJakeSullivanក្នុងបរិបទនៃការរំពឹងទុកនៃយុទ្ធនាការយោធារបស់រុស្ស៊ី។ នៅ​អ៊ុយក្រែន​គំរាម​ថា​នឹង​ក្លាយ​ជា​បញ្ហា​ថ្មី​ដែល​ធ្វើ​ឱ្យ​ភាព​តានតឹង​រវាង​ក្រុង​ប៉េកាំង​និង​ក្រុង​វ៉ាស៊ីនតោន​បន្ត​កើន​ឡើង។អស់រយៈពេល៧ម៉ោងមន្ត្រីជាន់ខ្ពស់នៃភាគីទាំង២បានពិភាក្សាគ្នាអំពីបញ្ហាដែលបង្កឱ្យមានការបែកបាក់ក្នុងទំនាក់ទំនងរវាងប្រទេសទាំង២។ ទោះបីជាយ៉ាងណាក៏ដោយបើតាមភាគីអាមេរិកកិច្ចពិភាក្សាលើកនេះ ផ្តោតភាគច្រើនលើស្ថានភាពនៅអ៊ុយក្រែននៅពេលដែលក្រុងវ៉ាស៊ីនតោនបានព្រមានក្រុងប៉េកាំង អាចប្រឈមមុខនឹងផលវិបាកធ្ងន់ធ្ងរប្រសិនបើខ្លួនគាំទ្ររុស្ស៊ីក្នុងសង្រ្គាម។មន្ត្រីរដ្ឋបាលជាន់ខ្ពស់របស់សហរដ្ឋអាមេរិកបានប្រាប់អ្នកសារព័ត៌មានក្រោយជំនួបថាលោកYangនិងលោក Sullivan ក៏បានពិភាក្សាអំពីបញ្ហាកូរ៉េខាងជើងភាពតានតឹងនៅច្រកសមុទ្រតៃវ៉ាន់និងសារសំខាន់នៃការរក្សាខ្សែបណ្តាញទំនាក់ទំនងបើកចំហ។មន្ត្រីរូបនេះបាននិយាយថា”វាគឺជាកិច្ចប្រជុំដ៏ខ្លាំងក្លារយៈពេល៧ម៉ោងដែលបង្ហាញពីសារសំខាន់នៃពេលវេលាបច្ចុប្បន្ននិងការប្តេជ្ញាចិត្តរបស់ភាគីទាំង២ក្នុងការរក្សាទំនាក់ទំនង” ។មុននេះ ប្រព័ន្ធផ្សព្វផ្សាយលោកខាងលិចហាក់ដូចជាសង្ស័យថារុស្ស៊ីប្រហែលជាបានស្នើសុំជំនួយពីប្រទេសចិន ពាក់ព័ន្ធនឹងប្រតិបត្តិការយោធានៅអ៊ុយក្រែន។ទោះយ៉ាងណាក៏ដោយទាំងចិននិងរុស្ស៊ី បានបដិសេធព័ត៌មាននេះ។ អ្នកនាំពាក្យក្រសួងការបរទេសចិន លោក Zhao Lijian កាលពីម្សិលមិញបានថ្លែងថាជំហររបស់ខ្លួនលើស្ថានភាពអ៊ុយក្រែនគឺច្បាស់លាស់និងជាប់លាប់ ដែលមានបំណងដើរតួនាទីស្ថាបនាក្នុងការលើកកម្ពស់កិច្ចចរចាសន្តិភាព។ទន្ទឹមនឹងនោះ ទាក់ទងនឹងកិច្ចប្រជុំរបស់លោកSullivan ភាគីចិនបាននិយាយថា លោក Yang Jiechi បានព្រមានសហរដ្ឋអាមេរិកកុំឱ្យយល់ច្រឡំអំពីជំហររបស់ទីក្រុងប៉េកាំងចំពោះជម្លោះរុស្ស៊ី-អ៊ុយក្រែន។ចិន​បច្ចុប្បន្ន​រក្សា​ជំហរ​អព្យាក្រឹត្យ​លើ​ប្រតិបត្តិការ​យោធា​របស់​រុស្ស៊ី​ក្នុង​ប្រទេស​អ៊ុយក្រែន​នៅ​ថ្ងៃ​ទី២៤ ខែ​កុម្ភៈ។ ទន្ទឹម​នឹង​នេះអាមេរិក​បាន​ទទូច​ម្តង​ហើយ​ម្តង​ទៀត​ឲ្យ​ចិន​សម្តែង​ការ​ជំទាស់។ប្រព័ន្ធផ្សព្វផ្សាយទីក្រុងប៉េកាំងបាននិយាយថា “លោក Yang Jiechi បានសង្កត់ធ្ងន់ថា ប្រទេសចិនប្រឆាំងយ៉ាងម៉ឺងម៉ាត់នូវពាក្យសម្តីឬទង្វើណាមួយដែលផ្សព្វផ្សាយព័ត៌មានមិនពិត និងបំភ្លៃជំហររបស់ប្រទេសចិន”។លោក Yang ក៏​បាន​យល់​ស្រប​ដែរ​ថា «ស្ថានភាព​នៅ​អ៊ុយក្រែន​បាន​ឈាន​ដល់​កម្រិត​មួយ​ដែល​ភាគី​ចិន​មិន​ចង់​ឃើញ»។មុនពេលជំនួបរបស់មន្ត្រីជាន់ខ្ពស់ទាំង២អ្នកជំនាញ Pang Zhongying នៃសកលវិទ្យាល័យ China Ocean បាននិយាយថា កិច្ចប្រជុំនេះនឹងក្លាយជាឱកាសសម្រាប់សហរដ្ឋអាមេរិកក្នុងការវាយតម្លៃទំនាក់ទំនងរវាងរុស្ស៊ីនិងចិន។ លោក Pang បាននិយាយថាការវាយតម្លៃទាំងនេះអាចប៉ះពាល់ដល់គោលនយោបាយចិន និងយុទ្ធសាស្ត្រឥណ្ឌូប៉ាស៊ីហ្វិករបស់អាមេរិកនាពេលអនាគត។អនុរដ្ឋមន្ត្រីក្រសួងរតនាគារអាមេរិកលោក WallyAdeyemoកាលពីម្សិលមិញបាននិយាយថាលោកមិនបានឃើញភស្តុតាងដែលថាប្រទេសចិនកំពុងរំលោភលើការដាក់ទណ្ឌកម្មរបស់លោកខាងលិចប្រឆាំងនឹងរុស្ស៊ីទេហើយថាទីក្រុងប៉េកាំងមានកម្រិតនៅក្នុងអ្វីដែលខ្លួនអាចធ្វើបាន។លោក Adeyemoបាននិយាយថា “ចិនមិនអាចផ្តល់ឱ្យរុស្ស៊ីនូវអ្វីដែលខ្លួនមិនមាននោះទេ។ហើយអ្វីដែលរុស្ស៊ីត្រូវការបំផុតនៅពេលនេះ គឺឧបករណ៍ semiconductors ដែលចិនមិនមាននិងមិនអាចផ្តល់ឱ្យពួកគេ”៕ពុតសាម៉ាត់

លោក Jake Sullivan (ស្តាំ)និងលោក Yang Jiechi។ រូបថត៖ AFP