សម្តេចហ៊ុនសែន​មិន​ប្រកាន់​ទោសចំ​ពោះ​អ្វី​ដែល​ប្រជាជ​ន​មីយ៉ាន់​ម៉ាជាន់​ឈ្លីនិង​​​ដុត​រូប​ថត

សម្តេចហ៊ុនសែននាយករដ្ឋមន្រ្តីនៃកម្ពុជាបាន​ប្រកាសនៅថ្ងៃនេះថាសម្តេចមិន​ប្រកាន់ទោសអូសដំណើរ​​ចំពោះ​អ្វី​ដែល​ប្រជាជន​មីយ៉ាន់ម៉ា​ដែលខឹង​សម្បា​នឹងដំណើរទស្សនកិច្ច​របស់​សម្តេចទៅកាន់ប្រទេសមួយនេះ ហើយ​ធ្វើឲ្យពួកគេជាន់​ឈ្លីនិង​​ដុត​រូបថត​របស់​សម្តេចនោះទេ។សម្តេចហ៊ុនសែនលើកឡើងថាក្រុមអ្នក​ប្រឆាំងនឹង​រូបសម្តេចពួកគេនឹង​​ដឹងគុណសម្តេចនៅពេល​ក្រោយបន្ទាប់ពីជីវិតពួកគេត្រូវបាន​សង្គ្រោះពីភ្នក់​ភ្លើង​សង្គ្រាម។ដោយ​ប្រើ​ពេលវេលាជាច្រើនដើម្បី​បក​ស្រាយនូវ​អ្វី​ដែល​សម្តេច​បាន​និង​កំពុង​គិត​គូរ​ដោះស្រាយ​វិបត្តិ​នៅមីយ៉ាន់ម៉ា។សម្តេចហ៊ុន សែននៅក្នុងពិធី​សម្ពោធ​កំណាត់​ផ្លូវជាតិ​លេខ​៥​ថា ​បានថ្លែងថាក្រុម​អ្នក​ជេរ​ប្រមាថ​សម្តេចដែលទៅជួបមេដឹកនាំយោធាមីយ៉ាន់ម៉ាគឺមានទាំងក្រុម​ពលរដ្ឋមីយ៉ាន់ម៉ានិង​ក្រុមអ្នកប្រឆាំងខ្មែរ​ដែលពួកគេ​អង្គុយជាមួយគ្នានៅក្រៅប្រទេស។​សម្តេចហ៊ុន សែន បានចាត់ទុក​ក្រុម​អ្នក​វាយ​ប្រហារ​តាម​ហ្វេសប៊ុកទៅលើ​ដំណើរទស្សនកិច្ច​របស់សម្តេចនេះថាជាក្រុម​តែមួយ​ដែលពួកគេកំពុង​រស់នៅប្រទេសថៃ ប្រទេស បារាំង អាមេរិក និងនៅប្រទេសមួយចំនួនទៀត។
ទោះជាយ៉ាងណាសម្តេចអះអាងថាសម្តេច​​មិន​ប្រកាន់ទោសអូសដំណើរ​​ចំពោះ​អ្វី​ដែល​ប្រជាជនមីយ៉ាន់ម៉ាជាន់​ឈ្លី និង​​ដុត​រូបថត​របស់​សម្តេចនោះទេ។ បើតាមសម្តេចហ៊ុន សែន ក្រុមអ្នក​ប្រឆាំងនឹង​រូបសម្តេចពួកគេនឹង​​ដឹងគុណសម្តេច​នៅពេល​ក្រោយ បន្ទាប់ពីជីវិតពួកគេត្រូវបាន​សង្គ្រោះពីភ្នក់​ភ្លើង​សង្គ្រាម។សម្តេចហ៊ុនសែនគោលដៅ​របស់​សម្តេចទៅកាន់​មីយ៉ាន់ម៉ាគឺមានតែ២ប៉ុណ្ណោះ គឺ​ការ​ព្រមព្រៀងគ្នាក្នុងបទឈប់បាញ់និង​ការ​បើក​ផ្លូវឲ្យនាំយក​ជំនួយមនុស្សទៅ​ជូនប្រជាជន​នៃប្រទេសនេះ​ដែល​រងគ្រោះដោយសារ​សង្គ្រាមស៊ីវិល។ សម្តេចថ្លែងថាការ​មិន​អនុញ្ញាតឲ្យ​លោកបានជួប​លោកស្រីអ៊ង់សាន ស៊ូជីសម្តេច​មិន​ខកចិត្តឡើយដោយអះអាងថានោះមិនមែនជាគោលដៅរបស់សម្តេចឡើយ។សំណុំរឿង​វិបត្តិនៅមីយ៉ាន់ម៉ាក្នុងនាមប្រជាធានអាស៊ាន​សម្តេចហ៊ុន សែន ជំរុញឲ្យមាន​យន្តការ​​ផ្តល់ជំនួយមនុស្សធម៌ទៅដល់​ប្រជាជនមីយ៉ាន់ម៉ាដោយគ្មានការរើសអើង ហើយ​សម្តេចបាន​លើកឡើងម្តង​ហើយ​ម្តងទៀត​នៅចំពោះ​មុខ​ឯកអគ្គរាជទូតជប៉ុនពីតួនាទីរបស់ប្រទេសនេះ​ក្នុងការជួយ​ផ្តល់​ជំនួយ​មនុស្ស​ធម៌ផងដែរ។នេះបើតាមសម្តេចហ៊ុនសែន៕សហការី