សម្ដេច​ក្រឡាហោមស ​ខេងបានអ​ញ្ជើញដឹកនាំកិច្ចប្រជុំឆ្លងសេចក្ដីព្រាងអនុក្រឹត្យស្ដីពីការការពារសុវត្ថិភាព​​និង​ការប្រើប្រា​ស់​អត្តសញ្ញាណបុ​គ្គលតាម​ប្រព័ន្ធវី​ដេអូ

នៅព្រឹកថ្ងៃអង្គារ ១៣កើត ខែអស្សុជ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី១៩ ខែតុលា ឆ្នាំ២០២១នេះ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអញ្ជើញដឹកនាំកិច្ចប្រជុំឆ្លងសេចក្ដីព្រាងអនុក្រឹត្យស្ដីពីការការពារសុវត្ថិភាព និងការប្រើប្រាស់អត្តសញ្ញាណបុគ្គលតាមប្រព័ន្ធវីដេអូ។ក្រោមអធិបតីភាពសម្ដេចក្រឡាហោមកិច្ចប្រជុំនេះមានការអញ្ជើញចូលរួមពីឯកឧត្តមរដ្ឋលេខាធិការប្រចាំការ ឯកឧត្តមរដ្ឋលេខាធិការអនុរដ្ឋលេខាធិការ ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនៃអគ្គស្នងការដ្ឋាននគរបាលជាតិ អគ្គស្នងការរង ឯកឧត្តមអគ្គនាយកអគ្គនាយយករងនិងមន្ត្រីជាន់ខ្ពស់ក្រសួងមហាផ្ទៃមួយចំនួនទៀត។គោលបំណងក្នុងការបង្កើតអនុក្រឹត្យនេះគឺដើម្បីកំណត់អំពីការគ្រប់គ្រងការផ្លាស់ប្ដូរទិន្នន័យរវាងប្រព័ន្ធបច្ចេកវិទ្យាព័ត៌មានមួយនិងប្រព័ន្ធបច្ចេកវិទ្យាព័ត៌មានមួយទៀតក្នុវិស័យសាធារណៈនិងជាមួយវិស័យឯកជនក្នុងក្របខណ្ឌអន្តរប្រតិបត្តិការតាមរយៈថ្នាលផ្លាស់ប្ដូរទិន្នន័យកម្ពុជាប្រកបដោយសុវត្ថិភាពតម្លាភាពនិងគណនេយ្យភាពព្រមទាំងផ្ដល់សេវាសាធារណៈប្រកបដោយប្រសិទ្ធភាពនិងស័ក្ដិសិទ្ធភាពជាដើម៕សហការី