សម្តេចហ៊ុ​ន​សែន​​នៅតែ​ប្តេជ្ញាចិ​ត្ត​ធ្វើ​យ៉ាង​ណា​​ឲ្យ​​ត្រឡប់​​មក​ជា​អា​ស៊ាន​១០ប្រទេ​ស​ឡើ​ងវិញ

ថ្លែងនៅក្នុងពិធីដាក់សម្ពោធឲ្យប្រើប្រាស់អគារអគ្គនាយកដ្ឋានគយនិងរដ្ឋាករកម្ពុជានៅព្រឹកថ្ងៃព្រហស្បត្តិ៍ ទី២៣ធ្នូនេះមេដឹកនាំកម្ពុជាសម្តេច​ហ៊ុន សែន​បានប្តេជ្ញាចិត្ត​ជាថ្មី​ជុំវិញ​ដំណើរ​ទស្សកិច្ច​របស់​សម្តេចទៅកាន់​ប្រទេស​ភូមា​។​សម្តេចហ៊ុន សែន​នៅតែ​ប្តេជ្ញាចិត្ត​ធ្វើ​យ៉ាងណា​ឲ្យ​អាស៊ាន​ត្រឡប់​មក​ជា​អាស៊ាន​១០ប្រទេស​ឡើងវិញ​បើទោះបី​គម្រោង​ទស្សកិច្ច​របស់​សម្តេចទទួល​រង​ការ​រិះគន់​ពីសហគមន៍​ជាតិ​និង​អន្តរជាតិ​ក៏​ដោយ។​
សម្តេចហ៊ុនសែនបន្តលើកឡើងថាអា​ស៊ានដែលមានតែ៩ប្រទេសជាអាស៊ានមិនគ្រប់ទឹកមិនអាចឈានទៅសម្រេចបានកុងសង់ស៊ីស។ដូច្នេះក្នុងនាមជាប្រធានអាស៊ាននៅឆ្នាំក្រោយសម្តេចហ៊ុនសែនប្តេជ្ញាធ្វើយ៉ាងណាឲ្យសសរភូមាដែ​លខូចខា​ត​វិលចូលជាសស​រទី១០ឡើងវិញតាមរ​យៈដំណើរទស្សកិច្ចរបស់លោក​ទៅកាន់ភូមា​នៅដើមឆ្នាំ២០២២។ជា​ការ​កត់​សម្គាល់ក្រោយ​ពេលប្រកាសពីគម្រោងដំណើរទស្សកិច្ចទៅកាន់ភូមាប្រទេសក្នុងតំបន់និងអន្តរជាតិបាន​ចោទប្រកាន់សម្តេចហ៊ុនសែនថាកំពុងទទួលស្គាល់របបយោធាភូមា​ដែលកំពុងកាន់កាប់អំណាចពេលបច្ចុប្បន្ន។លើសពីនេះថែមទាំងថាសម្តេចហ៊ុនសែនបានធ្វើឲ្យការខិតខំរបស់ពួកគេកន្លងមកនោះក្លាយជាអសារបង់។ក៏ប៉ុន្តែសម្តេចហ៊ុន សែន បានតបទៅវិញថា ដំណើរទស្សកិច្ចរបស់លោកនៅពេលខាងមុខនេះ គឺគ្មានអ្វីខុសទាល់តែសោះ។ មិនខុសព្រោះថា កម្ពុជាក៏កំពុងមានស្ថានទូតនៅភូមា ហើយភូមាក៏នៅមានស្ថានទូតនៅទីក្រុងភ្នំពេញ។នេះហើយជាការធ្វើការតាមផ្លូវការទូត។ជាមួយនេះសម្តេចក៏បានចុចឈ្មោះចំៗតែម្តងទៅលើអ្នកដែលរិះគន់ដំណើរទស្សកិច្ចបស់លោករួមមានអតីតរដ្ឋមន្ត្រីការបរទេសថៃលោកកាស៊ីតភិរម្យនិងតំណាងរាស្រ្តម្នាក់របស់ម៉ាឡេស៊ីថាបើចិត្តសឿងបិទទូតរបស់ខ្លួននៅប្រទេសភូមាជាមុនរួចចាំមកបន្ទោសហ៊ុនសែន។បើតាមសម្តេចមកដល់ពេលនេះនៅមិនទាន់មានប្រទេសណាមួយផ្តាច់ទំនាក់ការទូតជាមួយភូមានៅឡើយ។ពាក់ព័ន្ធនឹងអាស៊ាននេះដែរសម្តេចតេជោក៏បានលើកឡើងដែរថា ក្នុងប៉ុន្មានថ្ងៃ​មក​នេះមានការលើកឡើងពីក្រុមប្រឆាំងនៅក្នុងតំបន់អាស៊ាននិងមានក្រៅតំបន់ខ្លះ​ថាដំណើរ​ទស្សនកិច្ចរបស់ សម្តេចទៅភូមាបែបនេះ បែបនោះ។សម្តេចថាបើអ្នកផ្តាច់​ទូតពី​មីយ៉ាន់ម៉ា ជាសិទ្ធិរបស់អ្នកហើយកម្ពុជារក្សាទូតនៅមីយ៉ាន់ម៉ាគឺ ជាសិទ្ធិកម្ពុជាក្នុងនាមរដ្ឋអធិបតេយ្យ។ទន្ទឹមនេះ កម្ពុជានឹងខិតខំធ្វើយ៉ាងណាឱ្យអាស៊ានមានឯកភាពគ្នា​ចំនួន១០ប្រទេសមកវិញពីព្រោះថាកន្លងមកនេះអាស៊ានមិនបានឯកភាពគ្នានោះទេ និង​ចូលរួមចំណែកអនុវត្តន៍កុងសង់ស៊ីស៥ចំណុចរបស់អាស៊ាន។
សម្ដេចថា “ការដោះស្រាយបញ្ហានៅភូមា​មិនអាច​ដោះស្រាយ ឬជួបគ្នាជាមួយមេដឹកនាំប្រទេសមីយ៉ាន់ម៉ា តែម្តងរួចនោះទេ បញ្ហានេះ មាន​ភាពស្មុគ​ស្មាញដែលត្រូវការពេលវេលាច្រើន”។
សូមជម្រាជូនថាគម្រោងដំណើរទស្សកិច្ចរបស់ប្រមុខរដ្ឋាភិបាលកម្ពុជាទៅកាន់ភូមានៅថ្ងៃទី០៧មករាខាងមុខនេះ បានធ្វើឲ្យប្រជាពលរដ្ឋភូមាមានការផ្ទុះកំហឹងយ៉ាងខ្លាំងនិងសម្តែងការមិនពេញចិត្ត តាមរយៈការយករូបថតសម្តេចហ៊ុន សែន មកជាន់ឈ្លីនិងដុតកម្ទេចចោលផងដែរ៕សហការី