សម្ដេច​ហ៊ុន​សែនបញ្ចេញលិខិត​សម្ងាត់របស់កូ​នប្រុសច្បងហ៊ុន​ម៉ា​ណែតកា​លពី២៨​ឆ្នាំមុ​ន

សម្ដេចហ៊ុន សែននាយករដ្ឋមន្រ្តីនៃកម្ពុជាបាន​បញ្ចេញ​សំបុត្រសម្ងាត់មួយច្បាប់របស់កូនប្រុសច្បងហ៊ុន ម៉ាណែតកាលពី២៨ឆ្នាំមុនក្នុងពេលដែលកំពុងសិក្សានៅឯក្រៅប្រទេសនោះ។សម្តេចហ៊ុនសែននៅលើផេកនាព្រឹកថ្ងៃទី២៣ខែធ្នូឆ្នាំ២០២១បានសរសេរថាសំបុត្រសម្ងាត់ឆ្នាំ១៩៩៤កូនប្រុសខ្ញុំ ហ៊ុន ម៉ាណែត ដែលពេលនោះកំពុងសិក្សានៅសាកលវិទ្យាល័យមួយ នាទីក្រុងញ៉ូវយ៉ក សហរដ្ឋអាមេរិក បានសសេរលិខិតសម្ងាត់មួយច្បាប់មកខ្ញុំដើម្បីបានរៀនខាងយោធានិងវិទ្យាសាស្រ្តនយោបាយជាមួយនឹងការប្តេជ្ញារបស់គេគឺរៀនយកបណ្ឌិតខាងសេដ្ឋកិច្ចឱ្យបាន។ សម្ដេចរៀបរាប់បន្តថា លិខិតមួយច្បាប់នេះមិនមានការចាំបាច់រក្សាទុកជាសម្ងាត់ទៀតទេ ព្រោះវាបានកន្លងហួសជិត២៨ឆ្នាំមកហើយ។ ជាមួយនេះ ម៉ាណែត ក៏មានចំណេះដឹង ខាងសេដ្ឋកិច្ច នយោបាយ និងយោធា ដូចដែលមាននៅក្នុងលិខិតនេះស្រាប់។ អានលិខិតនេះ នឹងយល់ពី ម៉ាណែត កាន់តែច្បាស់ហើយអ្វីដែលមិនមានក្នុងលិខិតនេះ គឺម៉ាណែត​បានចូលទៅធ្វើកម្មសិក្សានៅធនាគារពិភពលោក​ដែលត្រូវបានបញ្ជូនទៅធ្វើការងារ​នៅ​ប្រទេស​កុងហ្គោ បន្ទាប់ពីជាប់បរិញ្ញាប័ត្រជាន់ខ្ពស់នៅសកលវិទ្យាល័យញ៉ូវយ៉ក។ សម្ដេចបន្ថែមថាម៉ាណែត​ធ្លាប់បានទៅរស់នៅជាមួយ​គ្រួសារ​បារាំងមួយនៅប្រទេសបារាំងដោយស៊ីឈ្នួលបេះផ្លែប៉ោម ឱ្យគ្រួសារនេះ ដើម្បីរៀន ភាសាបារាំង។ នៅពេលរៀនថ្នាក់បណ្ឌិតនៅប្រទេសអង់គ្លេសម៉ាណែតបានចូលបង្រៀន គណិតវិទ្យាសម្រាប់និស្សិតឆ្នាំទី២និងទី៣ដើម្បីបានប្រាក់ខ្លះសម្រាប់ចំណាយកាត់បន្ថយ​ការចំណាយ របស់ឪពុកម្តាយ៕សហការី