​មេ​ខេត្តមួយនៅ​​ភូមិភា​គ​ឥសាន្តបញ្ច្រាស់គោ​ល​ន​យោបា​​យអ​នក្ខរក​ម្មរាជ​រដ្ឋាភិបាល

ស្របពេលរដ្ឋាភិបាលអនុវត្តន៍គោលនយោបាយប្រជាជនកម្ពុជាឲ្យទទួលចំណេះដឹងជំនាញមុខរបរការចេះ​អានចេះ​សរសេរចេះ​គិត​លេខនិង​ចេះ​ដោះស្រាយ​បញ្ហា​ពាក់ព័ន្ធ​នឹង​ជីវភាព​ប្រចាំ​ថ្ងៃ​ដើម្បីចៀសចេញភាពអត់ចេះអក្សរនោះរដ្ឋាភិបាលក្រោមការដឹកនាំសម្តេចហ៊ុនសែននាយករដ្ឋមន្រ្តីនៃកម្ពុជាបានកាត់បន្ថយយ៉ាងច្រើនជូនបងប្អូនជនរួមជាតិខ្មែរបានចាកផុតពីអនក្ខរកម្ម។ដោយឡែកតែអធិរាជស្តេចត្រាញ់នៅខេត្តរតនគិរីភូមិភាគឥសាន្តនៅតែដៀលខ្មែរថាអត់ចេះអក្សរហើយសរសេរមិនត្រង់បន្ទាត់ទៅវិញ។
សូមរឭកថារាជរដ្ឋាភិបាលរៀបចំ​គោលនយោបាយ​ដើម្បី​ដោះស្រាយ​បញ្ហា​អនក្ខរកម្មក្រសួង​អប់រំ​បាន​យក​ចិត្ត​ទុកដាក់​រៀបចំ​គោលនយោបាយ​អប់រំ​ក្រៅ​ប្រព័ន្ធនិង​គោលនយោបាយ​សិក្សា​ពេញ​មួយជីវិត​រៀបចំ​លិខិត​បទដ្ឋាន​គាំទ្រ​ដែល​មាន​អនុក្រឹត្យប្រកាសនិង​សេចក្តី​ណែនាំ​ការអនុវត្ត​កម្មវិធី​អប់រំ​ក្រៅ​ប្រព័ន្ធ និង​ផែនការ​យុទ្ធសាស្ត្រ​ និង​បង្កើន​កិច្ចសហការ​ជាមួយ​ដៃគូ​អភិវឌ្ឍន៍និង​ផ្នែក​ឯកជន​។កន្លងមកលោករស់សុវាចាអ្នក​នាំពាក្យ​ក្រសួង​អប់រំ​ថ្លែង​ប្រាប់កាសែតភ្នំពេញប៉ុស្តិ៍​ថាក្រសួង​ក៏​បាន​យក​ចិត្តទុក​ដាក់​លើ​ការផ្សព្វផ្សាយ​រៀបចំ និង​កែលម្អ​កម្មវិធីសិក្សា ដែល​មាន​កម្មវិធី​អក្ខរកម្ម​ថ្នាក់ជាតិ និង​កម្មវិធី​អក្ខរកម្ម​សម្រាប់​កម្មករ​នៅ​តាម​រោងចក្រ​សហគ្រាស​។ លើស​ពី​នេះ​ក្រសួង​ក៏​ផ្តល់​ក្របខ័ណ្ឌ​គ្រូ​អក្ខរកម្ម​ជាប់​កិច្ចសន្យា​ជាមួយ​ប្រាក់ឧបត្ថម្ភ​ប្រចាំ​ខែ​ពី៥០ភាគរយ​ ទៅ៦០ភាគរយ ​នៃ​ប្រាក់បៀវត្សរ៍​គ្រូ​បឋមសិក្សា​ចេញ​ថ្មី​។លោក​បន្ត​ថា​ក្រសួង​ក៏​យក​ចិត្ត​ទុកដាក់​ផ្តល់​សម្ភារ​សម្រាប់​ដំណើរការ​ថ្នាក់រៀននិង​រៀបចំ​ដំណើរការ​ថ្នាក់​នៅ​តំបន់​ដែលមាន​អនក្ខរជន​ច្រើន​នៅ​តាម​រាជធានី​ខេត្ត​ទាំង​ ២៥ ​តាម​មណ្ឌល​អប់រំ​កែប្រែ ពន្ធនាគារ រោងចក្រ និង​សហគ្រាស​។លោក​ សុវាចា ថ្លែង​ថា​៖ «​អក្ខរកម្ម​ជា​ស្ពាន​ចម្លង​អក្ខរជន​ទៅកាន់​ភាពរឹត​តែ​ភ្លឺស្វាង ដើម្បី​អភិវឌ្ឍន៍​បុគ្គល ក្រុមគ្រួសារ និង​សង្គមជាតិ​។ ដោយសារ​អក្ខរជន​ជា​កាតាលីករ​សកម្ម​ក្នុង​ការចូលរួម​លើក​កម្ពស់​ការងារ​សង្គម វប្បធម៌ និង​សេដ្ឋកិច្ច ក្រសួង​អប់រំ យុវជន និង​កីឡា​ទទួល​អនុវត្ត​អនុសាសន៍​សម្តេច​តេជោ (​ហ៊ុន សែន​) ​ជាពិសេស​ដើរតួ​សម្របសម្រួល​យន្ត​ការពាក់ព័ន្ធ​»​។បើ​តាម​លោក រស់ សុវាចា អត្រា​អក្ខរកម្ម​យុវជន​អាយុ​ពី ១៥ ឆ្នាំ​ ដល់​ ២៤ ​ឆ្នាំ​ មាន ៩៤,៦ ភាគរយ និង​អត្រា​អក្ខរកម្មជន​ពេញវ័យ​មាន ៨២,៥ ភាគរយ​ នៅ​ឆ្នាំ​ ២០១៧​។ក្នុង​ទិវា​អក្ខរកម្ម​ជាតិ​ថ្ងៃទី​ ៨ ខែ​ កញ្ញា​ខាងមុខ​ តាមរយៈ​សារ​លិខិត​កាលពី​ថ្ងៃទី​ ១៩ សីហា សម្តេចនាយក​រដ្ឋមន្ត្រី ហ៊ុន សែន បាន​បញ្ជាក់​ថា​ក្នុង​អាណត្តិ​ទី ៦ ​របស់​រដ្ឋាភិបាល ក្រសួង​អប់រំ​បាន​សហការ​ជាមួយ​ក្រសួង​មហាផ្ទៃ​បាន​បើក​ថ្នាក់​អក្ខរកម្ម​បាន ២៥ ​ថ្នាក់​ដល់​អ្នក​ជាប់​ឃុំឃាំង​ចំនួន ៥៩២ ​នាក់​ នៅ​តាម​មណ្ឌល​អប់រំ​កែប្រែ និង​ពន្ធនាគារ​រាជធានី-ខេត្ត​។សម្តេច ហ៊ុន សែន បន្ត​ថា​ការបើក​ថ្នាក់រៀន​នេះ​គឺ​ដើម្បី​ផ្តល់​ឱ្យ​អ្នក​ជាប់ឃុំឃាំង​ទទួល​បាន​ចំណេះដឹង ជំនាញ មុខរបរ ការចេះ​អាន ចេះ​សរសេរ ចេះ​គិត​លេខ និង​ចេះ​ដោះស្រាយ​បញ្ហា​ពាក់ព័ន្ធ​នឹង​ជីវភាព​ប្រចាំ​ថ្ងៃ​។សម្តេច​បញ្ជាក់​ថា​៖ «​ពួកគេ​ (​អ្នក​ជាប់ឃុំ​) ​នឹង​មាន​ឱកាស​រៀនសូត្រ​បន្ត​លើ​ជំនាញ​មុខរបរ​ដើម្បី​រកប្រាក់​ចំណូល បន្ទាប់ពី​ទទួលបាន​សិទ្ធិសេរីភាព និង​ការ​ធ្វើ​សហរណកម្ម​ទៅក្នុង​សង្គមជាតិ​ឡើងវិញ​»​។ ក្រៅ​ពី​នេះ​សម្តេចហ៊ុន សែន បញ្ជាក់​ទៀត​ថា​ក្រសួង​អប់រំ​បាន​សហការ​ជាមួយ​វិស័យ​ឯកជន​នៅតាម​រោងចក្រ​ចំនួន​ ១១ ​ដោយ​ឱ្យ​កម្មករ​បាន​ចូលរៀន​កម្មវិធី​អក្ខរកម្ម​ដើម្បី​ធ្វើឱ្យ​ការបំពេញ​ការងារ​របស់​ពួកគេ​ប្រសើរ​ជាង​មុន និង​ជា​មូលដ្ឋានគ្រឹះ​ក្នុងការ​ស្វែងរក​ការងារ​ដែល​មាន​ប្រាក់ចំណូល​ខ្ពស់​ជាង​មុន​។ ម្ចាស់​រោងចក្រ​ក៏បាន​ទទួល​បាន​ប្រយោជន៍​ពី​កម្មវិធី​អក្ខរកម្ម​នេះដែរ​។
សម្តេចនាយក​រដ្ឋមន្ត្រី​បាន​អំពាវនាវ​ដល់​ស្ថាប័ន​ជាតិ អន្តរជាតិ សហគមន៍ និង​ប្រជាពលរដ្ឋ​ឱ្យ​យកចិត្ត​ទុកដាក់​ខ្ពស់​ជា​បន្តទៀត​ដល់​ការងារ​អក្ខរកម្មក៏ដូចជា​ការងារ​អប់រំ​ទាំង​ក្នុង​ប្រព័ន្ធ និង​ក្រៅ​ប្រព័ន្ធ ដើម្បី​បន្ត​ចូលរួម​លើកកម្ពស់​ការងារ​អក្ខរកម្ម​នៅ​កម្ពុជា​ឱ្យ​កាន់​តែ​មាន​ប្រសិទ្ធភាព​ថែម​ទៀត​៕ពុតសាម៉ាត់

សម្តេចហ៊ុនសែននាយករដ្ឋមន្រ្តីនៃកម្ពុជាខិតខំឲ្យខ្មែរចៀសផុតអ​នក្ខរក​ម្ម។រូបភាពសហការី