សម្តេចហ៊ុ​នសែនមិនខ្វល់​ពីដាក់​ទណ្ឌកម្មរបស់​សហរដ្ឋអា​​មេរិក

មេដឹកនាំកម្ពុជាសម្តេចហ៊ុនសែនបានប្រតិកម្ម​ទៅ​នឹង​ការ​អនុម័ត​ច្បាប់​ដាក់​ទណ្ឌកម្មរបស់​សហរដ្ឋអាមេរិក​មកលើ​មន្ត្រីជាន់ខ្ពស់​កម្ពុជាថាសម្តេច​មិន​ខ្វល់​សោះឡើយ។សម្តេចបាន​លើក​ចំឈ្មោះ​មន្ត្រីជាន់​ខ្ពស់​ម្នាក់​ក្នុងជួររដ្ឋាភិបាលរបស់សម្តេចដែលមានសញ្ជាតិអាមេរិកហើ​យដែលសង្ស័យថា​មានឈ្មោះ​នៅក្នុងបញ្ជីដាក់ទណ្ឌកម្មនេះដែរ។សម្តេចនាយក​រដ្ឋមន្ត្រី ហ៊ុន សែនបាន​លើក​ចំឈ្មោះ​លោក ស៊ុន ចាន់ថុល​រដ្ឋមន្ត្រីក្រសួង​សាធារណៈការ និង​ដឹក​ជញ្ជួនថាជាអ្នកមានសញ្ជាតិអាមេរិក។
បើតាមសម្តេចប្រសិនបើអាមេរិក​ដកហូតព្រទ្យ​សម្បត្តិ​របស់​លោកស៊ុន ចាន់​ថុលដែល​មាននៅអាមេរិក គឺស្មើនឹង​ការដកហូត​ព្រទ្យ​របស់​ពលរដ្ឋអាមេរិកខ្លួនឯងដែរ។ តែសម្តេហ៊ុន សែន អះអាងថាទាំងរូបសម្តេចទាំងលោកចមប្រសិទ្ធិ រដ្ឋមន្ត្រី​ក្រសួងឧស្សាហកម្មនិង​សិប្បកម្មនិងសម្តេចទៀ បាញ់រដ្ឋមន្ត្រីការពារជាតិមិនមានប្រាក់​លាក់ទុក​នៅអាមេរិកនោះឡើយ។
ទោះជាយ៉ាងសម្តេចហ៊ុនសែនបានចំអកថាប្រសិនរក​ឃើញថាសម្តេចមានទ្រព្យ​សម្បត្តិ​រក្សាទុក​នៅអាមេរិក​មែនគឺសម្តេចជំរុញឲ្យមានការដកហូតឬបង្កកទុក​ដោយគ្មានការតវ៉ាឡើយ។ខ្លឹមសារច្បាប់​ដាក់ទណ្ឌកម្ម​លើ​បុគ្គល​ដែល​គេ​ចាត់ទុក​ថាជាអ្នករំលោភសិទ្ធិមនុស្សធ្ងន់​ធ្ងរនិង​រំលាយប្រជាធិបតេយ្យនៅកម្ពុជាដែលមានឈ្មោះថាH.R.4686 ដែលសមាជិកសភាអាមេរិកចំនួន៤០៣ លើ៤៣៥រូប​បានអនុម័តនោះគឺទណ្ឌកម្មមានដូចជា ​បង្កក​ទ្រព្យសម្បត្តិ​របស់​បុគ្គល​ទាំងនោះ​ ​ដែល​មាននៅ​សហរដ្ឋអាមេរិក​​បិទ​ជីពចរ​នៃ​ប្រតិបត្តិការ​ហិរញ្ញវត្ថុ​ជាមួយ​អាមេរិក​របស់​បុគ្គល​និង​ក្រុមហ៊ុន​របស់​បុគ្គល​ទាំងនោះ​និង​បិទ​ទិដ្ឋាការ​មិន​ឲ្យ​ចូល​ទឹកដី​អាមេរិកជាដើម​។សូមជម្រាបជូនថាការថ្លែងរបស់សម្តេចហ៊ុនសែននៅពេលចុះពិនិត្យ​ការសាងសង់​ព្រលាន​យន្តអន្តរជាតិ​ថ្មី​នៅក្រុង​តាខ្មៅនៅថ្ងៃទី៩​ខែធ្នូ​នេះ៕សហការី