លោក​​សម៉ាប់​និង​លោកសុខសុងរង​ការរិះ​គ​ន់​កា​ប់​ទន្រ្ទាន​ដីព្រៃលិចទឹករ​បស់​រដ្ឋ​នៅ​ចំណុ​ចព្រែក​ល្វាឃុំ​កំ​ពង់ឃ្លាំងស្រុក​សូទ្រនិ​​គម

សៀមរាប៖លោកសម៉ាប់នាយផ្នែករដ្ឋបាលជលផលសូទ្រនិគមនិងលោកសុខសុងនាយសង្កាត់រដ្ឋបាលជលផលសូទ្រនិគមរងការរិះគន់ពីប្រជាពលរដ្ឋកាប់ទន្រ្ទានដីព្រៃលិចទឹករបស់រដ្ឋជាច្រើនហិកតាក្នុងតំបន់៣នៅចំណុចព្រែកល្វាឃុំកំពង់ឃ្លាំងស្រុកសូទ្រនិគមខេត្តសៀមរាបត្រូវបានកាប់គាស់រុករានឈូសឆាយរំលោភយកធ្វើជាកម្មសិទ្ធយ៉ាងអនាធិបតេយ្យ។ពាក់ព័ន្ធនឹងការចោទប្រកាន់ខាងលើនេះអង្គភាពយើងនាព្រឹកថៃ្ង៦ខែធ្នូឆ្នាំ២០២១នេះលោកលោកសម៉ាប់នាយផ្នែករដ្ឋបាលជលផលសូទ្រនិគមបានបញ្ជាក់តាមទូរស័ព្ទថាលោកពុំមានពាក់ព័ន្ធទេរកតែដីមួយចម្អាមគ្មានផង។ចំណែកលោកសុខសុងនាយសង្កាត់រដ្ឋបាលជលផលសូទ្រនិគមបានឲ្យដឹងថាដីនៅចំណុចខាងលើនេះលោកក៏គ្មានពាក់ព័ន្ធដែរព្រោះកើតឡើងតាំងពីលោកមិនទាន់មកគ្រប់គ្រងនៅឡើយ។បច្ចុប្បន្នគេសង្កេតឃើញដីព្រៃលិចទឹកដែលជាជម្រកត្រីពងកូននៅក្នុងភូមិសាស្ត្រត្រង់ចំណុចព្រែកល្វាឃុំកំពង់ឃ្លាំងស្រុកសូទ្រនិគមខេត្តសៀមរាបត្រូវបានរងនូវការវិនាសហិនហោចខ្ទេចខ្ទីដោយសារតែក្រុមខិលខូចមួយចំនួនបានលួចកាប់រុករានទន្ទ្រាននិងឈូសឆាយយកធ្វើជាកម្មសិទ្ធិរៀងៗខ្លួនដោយមានការចូលរួមឃុបឃិតគ្នាពីមន្ត្រីជំនាញនិងបើកភ្លើងខៀវ ពីអាជ្ញាធរមូលដ្ឋានគ្រប់លំដាប់ថ្នាក់ ដែលជាជនទុច្ចរិត ខិលខូចមួយចំនួនផងដែរ។ប្រជាពលរដ្ឋរស់នៅក្នុងឃុំកំពង់ឃ្លាំងសុំមិនបញ្ចេញឈ្មោះបានឱ្យសារព័ត៌មានយើងដឹងថាដីព្រៃលិចទឹក ដែលស្ថិតក្នុងភូមិសាស្ត្រ តំបន់ព្រែកល្វា នៃមាត់បឹងទន្លេសាបនិង ត្រង់ចំណុច ផ្សេងៗទៀតក្នុង ខេត្តសៀមរាប ដែលជាដែនការពារដោយក្រុមជំនាញជលផល ត្រូវបានជនទុច្ចរិតខិលខូចយកត្រាក់ទ័រ ជាច្រើនគ្រឿងមកលួចចូលឈូសឆាយ ធ្វើសកម្មភាពតែមួយពព្រិចភ្នែក ត្រូវបានបំផ្លិចបំផ្លាញ បាត់បង់អស់ ព្រៃលិចទឹក រាប់សិបហិកតា។ប្រជាពលរដ្ឋបានឲ្យដឹងទៀតថា ការឈូសឆាយដីព្រៃ លិចទឹករបស់រដ្ឋ អស់រាប់សិបហិកតាខាងលើនេះវាធ្វើឲ្យប៉ះពាល់ដល់ជម្រកត្រីពងកូនហ្នឹងគោកទន្លេផង។បច្ចុប្បន្នដីព្រៃលិចទឹកនៅចំណុចខាងលើនេះត្រូវបានគេឈូសឆាយអស់ជាច្រើនហិកតាដោយកន្លងមកមិនដែលឃើញមានសមត្ថកិច្ច និងមន្រ្តីជំនាញ ឬអាជ្ញាធរមានសមត្ថកិច្ច ដែលទទួលខុសត្រូវឈរជើងនៅតំបន់នោះ ធ្វើការទប់ស្កាត់ឬចាត់វិធាការបង្ក្រាបម្ដងណាឡើយ។សូមបញ្ជាក់ថាដីព្រៃលិចទឹក ដែលបានរងការកាប់បំផ្លាញទន្រ្ទានយកធ្វើជាកម្មសិទ្ធិ យ៉ាងអនាធិបតេយ្យ ខាងលើនេះ គឺស្ថិតនៅចំណុចព្រែកល្វាស្ថិតក្នុងឃុំ កំពង់ឃ្លាំងស្រុកសូទ្រនិគមខេត្តសៀមរាប ។ប្រភពពីពលរដ្ឋម្នាក់ដែលសុំមិនបញ្ចេញឈ្មោះបានប្រាប់ថាដីនៅចំណុច ព្រែកល្វា ស្ថិតក្នុងឃុំកំពង់ឃ្លាំង ស្រុក សូទ្រនិគមដែលគេកុំពុងឈួសឆាយយកជាកម្មសិទ្ធិមានទំហំរាប់សិបហិកតា។
ប្រជាពលរដ្ឋដែលមិនមានការពាក់ព័ន្ធរឿងដីព្រៃលិចទឹករបស់រដ្ឋរស់នៅក្នុងស្រុកសូទ្រនិគមជាច្រើនគ្រួសារសប្បាយចិត្តណាស់ដែលបានឮថាសម្តេចប្រមុខដឹកនាំនៅកម្ពុជាគឺសម្ដេចអគ្គមហាសេនាបតីតេជោ ហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជាបានចេញបទបញ្ជាអោយក្រសួងពាក់ព័ន្ធនានាចុះបង្ក្រាបនិងរឹបអូសយកដីព្រៃលិចទឹករបស់រដ្ឋមកធ្វើជាសម្បត្តិរដ្ឋវិញ។ប្រជាពលរដ្ឋក្រុមការងារអន្តរក្រសួងដែលដឹកនាំដោយលោកជាសុផារ៉ាឧបនាយករដ្ឋមន្រ្តីរដ្ឋមន្រ្តីក្រសួងដែនដីនគរូបនីយកម្មនិងសំណង់សូមមេត្តាបើកការស្រាវជ្រាវស៊ើបអង្កេតជុំវិញរឿងដីព្រៃលិចទឹករបស់រដ្ឋជាច្រើនហិកតាដែលត្រូវក្រុមអ្នកមានលុយឃុបឃិតជាមួយនិងអ្នកមានអំណាចយកគ្រឿងចក្រឈួសឆាយបំផ្លាញព្រៃលិចទឹកអស់រាប់សិបហិតានេះផងដើម្បីសង្គ្រោះដីព្រៃលិចទឹករបស់រដ្ឋមកវិញ។សូមរំឭកថាសម្តេចតេជោហ៊ុន សែននាយករដ្ឋមន្រ្តីនៃកម្ពុជា កាលថ្ងៃទី២៨ ខែវិច្ឆិកា បានចេញបទ​បញ្ជា​យ៉ាងម៉ឺងម៉ាត់មួយ ឱ្យក្រសួងស្ថាប័នពាក់ព័ន្ធ និងអភិបាលខេត្តជាប់បឹងទន្លេសាបត្រូវធ្វើ​ការទប់ស្កាត់និងបង្រ្កាបជាបន្ទាន់ចំពោះការលួចកាប់ព្រៃលិចទឹកនិងវាទទីយកដីនៅ​តាមបឹង​ទន្លេសាបបន្ទាប់ពីទ​ទួលបានបទបញ្ជារបស់សម្ដេចតេជោហ៊ុន សែន នៅព្រឹកថ្ងៃទី២៩ខែវិច្ឆិកាលោក ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដីនគរូបនីយកម្ម និងសំណង់ បានដឹកនាំ​ក្រុមការងារ កម្លាំងអាជ្ញាធរ និងសមត្ថកិច្ចចុះទៅស្រាវជ្រាវ និងបង្ក្រាបបទល្មើសការកាប់ទន្ទ្រាន​ព្រៃលិចទឹកនៅ​ជុំវិញបឹងទន្លេសាបជាពិសេសនៅខេត្តកំពង់ឆ្នាំង។ក្នុងនោះលោក ជា សុផារ៉ា បានដាក់ចេញវិធានការមួយចំនួន ដោយឱ្យអាជ្ញាធរខេត្ត​ និងក្រុម​ការងារចម្រុះ ត្រូវកំណត់ព្រំប្រទល់ឲ្យបានច្បាស់លាស់និងត្រូវធ្វើការដកហូតដីព្រៃលិចទឹកដែលរងការកាប់ទន្រ្ទានទាំងនោះយកមករក្សាទុកជារបស់រដ្ឋវិញនិងមិនអនុញ្ញាតឱ្យបុគ្គលណាម្នាក់ចូលមកធ្វើ​ស្រែនៅលើតំបន់ហាមឃាត់នេះជាដាច់ខាតចាប់ពីពេលនេះតទៅ។សូម​ជម្រាបជូនថាក្នុង​សារ​ពិសេស​ជា​សំឡេង នៅ​រសៀល​ថ្ងៃអាទិត្យ ទី​២៨ ខែវិច្ឆិកា ឆ្នាំ​២០២១ នេះ សម្តេច​តេ​ជោ ហ៊ុន សែន បានប្រកាស ដាក់បទបញ្ជា​ឲ្យ​អភិបាលខេត្ត នៅជាប់​បឹង​ទន្លេសាប រួមទាំង​គណៈកម្មការ​សូ​រិ​យោ​ដី​ថ្នាក់ជាតិ ដឹកនាំ​ដោយ​លោក​ឧបនាយករដ្ឋមន្ត្រីជា សុផារ៉ា អង្គភាព​ប្រឆាំង​អំពើពុករលួយ និង​ស្ថាប័ន​ពាក់ព័ន្ធ​ថ្នាក់ជាតិ​ដទៃទៀត ត្រូវធ្វើ​សកម្មភាព​ជាបន្ទាន់ ដើម្បី​ទប់ស្កាត់​ការកាប់​រាន​ព្រៃ​លិច​ទឹក ដើម្បី​យក​ដី​ធ្វើ​កម្មសិទ្ធិ នៅ​តំបន់​បឹង​ទន្លេសាប​។ចំពោះមុខសម្តេច​តេ​ជោ ហ៊ុន សែន ក៏បាន​បញ្ជា​ឲ្យ​ដកហូត​នូវ​ដីព្រៃ​លិច​ទឹក នៅ​បឹង​ទន្លេសាប ដែល​អតីត​អភិបាលខេត្ត​កំពង់ឆ្នាំង រំលោភ​យក​ជាង ២០០០​ហិកតា ផងដែរ​។យោងតាម​ផេ​ក​ផ្លូវការ​របស់លោក វេ​ង សាខុន រដ្ឋមន្ត្រី​ក្រសួងកសិកម្ម រុក្ខាប្រមាញ់​និង​នេសាទ​បាន​បញ្ជាក់ថា នៅ​ខេត្តកំពង់ធំ​មាន​ករណី​កាប់​ទន្ទ្រាន ឈូសឆាយ​ដីព្រៃ​លិច​ទឹក និង​កាន់កាប់​ដី​ខុសច្បាប់ មាន​ចំនួន ៤០ ករណី លើ​ផ្ទៃដី​ចំនួន ៣ ៥៦៦,៥៦១ ហិកតា​ចាប់ពី​ឆ្នាំ ២០១៩ រហូតដល់​ឆ្នាំ ២០២១ ស្ថិតនៅក្នុង​ស្រុក​ចំនួន៤​៖ ក្រុង​ស្ទឹងសែន មាន៣ករណី​, ស្រុក​បារាយ មាន​ចំនួន២ករណី​, ស្រុក​ស្ទោង មាន​៦ ករណី​, និង​ស្រុក​កំពង់ស្វាយ មាន​១៩ ករណី។ប្រភព​ដដែល​បន្តថា​ក្នុងនេះ​នៅ​ឆ្នាំ​២០១៩ មាន​១៤​ករណី ស្មើនឹង ៩៤៣,១៦៥ ហិកតា ស្ថិតក្នុង​ស្រុក​ស្ទោង និង​ស្រុក​កំពង់ស្វាយ​។​ឆ្នាំ​២០២០ មាន​ចំនួន ១២​ករណី ស្មើនឹង ១៩០,៥ ហិកតា ស្ថិតនៅ​ក្នុងស្រុក​កំពង់ស្វាយ និង​ស្រុក​បារាយណ៍​។​ឆ្នាំ​២០២១ មាន​ចំនួន ១៤​ករណី ស្មើនឹង ១២១៣,៣៣៦ ហិកតា ស្ថិតនៅ​ក្នុងស្រុក កំពង់ស្វាយ ស្រុក​ស្ទោង និង​ក្រុង​ស្ទឹងសែន ។ ករណី​ទាំងអស់នេះ គឺ​ត្រូវបាន​មន្ត្រីនគរបាល​យុត្តិធម៌​នៃ​មន្ទីរ​កសិកម្ម រុក្ខាប្រមាញ់​និង​នេសាទ ខេត្តកំពង់ធំ បាន​កសាង​សំណុំរឿង បញ្ជូនទៅ​សាលាដំបូង​ខេត្តកំពង់ធំ​រួច​អស់ហើយ ហើយ​កំពុង​ក្នុង​ដៃ​ចៅក្រម​សើ​ប​សួរ ។​សូមបញ្ជាក់ថា ក្នុងចំណោម ៤០ ករណី គឺមាន​តែមួយ​ករណី​តែប៉ុណ្ណោះ ដែល​បានធ្វើ​ជំនុំ​ជម្រះក្តី ប៉ុន្តែ​មិនទាន់​បានចេញ​សាលក្រម​ជំ​រះ​ក្តី​នៅឡើយ ដែល​អ្នក​ត្រូវបាន​ចោទប្រកាន់​នោះ គឺជា​ព្រះរាជ​អ​ជ្ញា​រង ខេត្តកំពង់ធំ ។ ទាក់ទង​ទៅនឹង​ករណី​ដែលមាន​កើតឡើង​នៅក្នុង​ខេត្ត​នេះ លោក​ជា សុផារ៉ា ប្រធាន​អង្គប្រជុំ បានស្នើ​ឲ្យ​ព្រះរាជអាជ្ញា និង​តុលាការ​ខេត្តកំពង់ធំ​ព​ន្លឿ​ន​និតិ​វិធី និង​ឈានទៅដល់​ការកាត់ក្តី​ឲ្យ​បាន​ឆាប់​ដែល​អាចធ្វើ​ទៅបាន ក្នុង​រយៈពេល​ដ៏​ខ្លី​ខាងមុខ។សូមបញ្ជាក់ថាបញ្ជីឈ្មោះសមត្ថកិច្ច អាជ្ញាធរ ឈ្មួញអ្នកមានប្រាក់មានអំណាចនិងបុណ្យស័ក្តិខ្ពង់ខ្ពស់ ដែលបានរួមគំនិតគ្នា រំលោភកាន់កាប់ រំលោភយកដីព្រៃលិចទឹកដែលបណ្តាញព័ត៌មានក្នុងស្រុកចុះផ្សាយរួមមាន÷
១/ -លោកឧត្ដមសេនីយ៍ត្រី ស៊ុំ សុជាតិ ស្នងការរង នគរបាលខេត្តកំពង់ឆ្នាំង មានដីទំហំ ៦៧៥ ហិកតា។
២/-លោកវរ:សេនីយ៍ទោ កែវ ណារុន ថ្នាក់ជានាយ-ការិយាល័យ មានដីទំហំ ចំនួន៣២ ហិកតា។
៣/-ឈ្មោះ ស្រី ស៊ីថា ជាមន្ត្រីចូលនិវត្តន៍ មានដីទំហំ២៥ ហិកតា។
៤/-ឈ្មោះ យឹម សារ៉ាត់ មេយោធាសឹករង-ស្រុកំពង់លែង ដីទំហំ ចំនួន ៦០ហិកតា។
៥/-ឈ្មោះ គង់ ស៊ីម ជាប្រជាពលរដ្ឋ ជាមេឈ្មួញធំមានដីទំហំ ដល់ចំនួន ២០០ហិកតា។
៦/-ឈ្មោះ ស៊ន បូរិន មន្រ្តីចូលនិវត្តន៍មានដីទំហំចំនួន២៥ហិកតា។
៧/- ឈ្មោះ នូ ដេត ជាប្រជាពលរដ្ឋ មេឈ្មួញមានដីទំហំ ចំនួន ៨៩ហិកតា។
៨/-ឈ្មោះ ឡុង សុខេង ជាប្រជាពលរដ្ឋ មេឈ្មួញធំមានដីទំហំ ចំនួន ៤០០ ហិកតា។
៩/-ឈ្មោះ ស៊ិន ប៉ូលីន ជាប្រជាពលរដ្ឋ មេឈ្មួញធំ មានដីទំហំចំនួន ២៦០ ហិកតា។
១០/- ឈ្មោះសៅ ស៊ុយ អតីត-ស្មៀនឃុំច្រណូក ដីទំហំ ចំនួន ៣០ ហិកតា។
១១/-ឈ្មោះ សែប ស៊ីវុតធី ជាប្រជាពលរដ្ឋ មេឈ្មួញធំ មានដីទំហំ ចំនួន ១៧៥ ហិកតា។
១២/-ឈ្មោះ ស្រី ងួន គឹមយួន ជាប្រជាពលរដ្ឋ មេឈ្មួញ មានដីទំហំ ចំនួន ៥៧ ហិកតា។
ទី១៣/-ឈ្មោះស្រី ប៉ូ ចំរ៉ុង ជាប្រជាពលរដ្ឋ មេឈ្មួញមានដីទំហំ ចំនួន ៣០ ហិកតា។
សូមជម្រាបជូនថាសមត្ថកិច្ច អាជ្ញាធរ ឈ្មួញ ទាំង១៣ នាក់ខាងលើនេះបានរួមគំនិតគ្នាជាមួយមន្រ្តីជំនាញ មានការឃុបឃិតគ្នាជាលក្ខណៈប្រព័ន្ធព្រមទាំងបើកភ្លើងខៀវជាមួយអាជ្ញាធរមូលដ្ឋានគ្រប់លំដាប់ថ្នាក់ ជាច្រើនឆ្នាំកន្លងមកក៏ដូចជាពេលថ្មីៗផងដែរ៕ពុតសាម៉ាត់

កាប់ទន្រ្ទានដីព្រៃលិចទឹករបស់រដ្ឋ