ឯក​ឧត្តម​វេងសាខុ​នអនុវត្តន៍​តា​មប្រសាស​ន៍​ណែនាំដ៏ខ្ពង់ខ្ពស់របស់សម្តេចតេជោហ៊ុនសែននាយករដ្ឋមន្រ្តីនៃព្រះ​រា​ជា​ណាចក្រក​ម្ពជា​នៅ​ស្នាក់កា​រ​បក្សស្រុក​កំពង់​​សៀម

នាព្រឹកថ្ងៃសៅរ៍ ១៥រោច ខែកត្តិក ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី៤ ខែធ្នូ ឆ្នាំ២០២១ ឯកឧត្តម វេង សាខុន ប្រធានក្រុមការងាររាជរដ្ឋាភិបាល និងជាប្រធានក្រុមការងារគណបក្សចុះមូលដ្ឋានស្រុកតំបែរ ខេត្តត្បូងឃ្មុំ ស្រុកកំពង់សៀម និងស្រុកជើងព្រៃ ខេត្តកំពង់ចាម និងលោកជំទាវ ព្រមទាំងសហការី និងអាជ្ញាធរស្រុក បាននាំយកអាវរងា ចំនួន ១០៥៧ សម្រាប់ និងថវិកាមកចែកជូនចាស់ជរាគ្មានទីពឹងក្នុងស្រុកកំពង់សៀម ដោយឡែកការរៀបចំពិធីថ្ងៃនេះ បានធ្វើឡើងសម្រាប់ចែកជូន ចាស់ជរាគ្នានទីពឹង ចំនួន៤០៦ នាក់ (ស្រ្តី ២៩៩) តំណាងឲ្យចាស់ជរាដែលអញ្ជើញមកពី ៥ឃុំ គឺ៖ ឃុំអំពិល ១៣៨នាក់ ឃុំក្រឡា ១៥៥នាក់ ឃុំអូរស្វាយ ៧៤នាក់ ឃុំវិហារធំ ២៩នាក់ និងឃុំរអាង ១០នាក់។ ដោយឡែកចំពោះ ចាស់ជរាដែលគ្មានទីពឹង ស្ថិតនៅឃុំចំនួន ១០ ទៀត ឯកឧត្តម ប្រធាន បានប្រគល់ភារកិច្ចជូន ឯកឧត្តម លោកជំទាវ ដែលជាប្រធានក្រុម និងអនុប្រធានក្រុមការងារ ចុះជួយតាមបណ្តាឃុំចុះចែកបន្ត នៅចុងសប្តាហ៍នេះ និងសប្តាហ៍ក្រោយ។មានមតិសំណេះសំណាលនាឱកាសនេះ ឯកឧត្តមក្នុងនាមថ្នាក់ដឹកនាំក្រុមការងារចុះមូលដ្ឋានស្រុកតំបែរ លោកបានពាំនាំនូវការផ្តាំផ្ញើសាកសួរសុខទុក្ខពីសម្តេចតេជោ ហ៊ុន សែន នាយករដ្ឋមន្រ្តី សម្តេចកិត្តិព្រឹត្តបណ្ឌិត ប៉ុន រ៉ានីហ៊ុន សែន មកជូនលោកតា លោកយាយទូទាំងស្រុកកំពង់សៀម ដោយឡែកលោកតាលោកយាយដែលអញ្ជើញមកទទួលអំណោយនាព្រឹកនេះហើយសម្តេចបានជូនពរឲ្យលោកតា លោកយាយទទួលបាននូវពុទ្ធពរទាំង៤ ប្រការកុំបីឃ្លៀង ឃ្លាតឡើយ។ ឯកឧត្តមប្រធានក្រុមការងារ បានជម្រាបជូនលោកតា លោកយាយ ជ្រាបថារាជ រដ្ឋាភិបាល ក្រោមការដឹកនាំប្រកបដោយកត្តិបណ្ឌិតរបស់សម្តេចតេជោ បានដឹកនាំប្រទេសទទួលបានសុខសន្តិភាព និងសន្តិសុខទូទាំងផ្ទៃប្រទេស ប្រជាពលរដ្ឋទទួលបានសិទ្ធិពេញលេញ ក្នុងការចូលរួមចំណែកកសាង និងអភិវឌ្ឍប្រទេសជាតិ សិទ្ធិទទួលបាននូវសេរីភាព និងសេចក្តីថ្លៃថ្នូរ សិទ្ធិនៃការរស់រានមានជីវិត។ល។ ដើម្បីទទួលបាននូវភាពកក់ក្តៅ សុភមង្គល និងជាពិសេសសុខភាពមាំមួន ឯកឧត្តមប្រធានក្រុមការងារ និងលោកជំទាវ ព្រមជាមួយសហការី បាននាំយកអាវរងារមកចែកជូនលោកតា លោកយាយគ្មានទីពឹងម្នាក់មួយៗ និងថវិកា ៥០ ០០០ រៀលផងដែរ។
ភ្ជាប់ជាមួយអំណោយនេះ ឯកឧត្តមប្រធានក្រុមបានថ្លែងអំណរគុណ និងវាយតម្លៃខ្ពស់ចំពោះឯកឧត្តម និងសមាជិកក្រុមការងារទាំងអស់ រួមទាំងអាជ្ញាធរមូលដ្ឋានពាក់ព័ន្ធដែលបានជួយ ឧបត្ថម្ភ គាំទ្រ និងដោះស្រាយបញ្ហាជូនប្រជាពលរដ្ឋតាមការចាំបាច់។ ពិតណាស់សកម្មភាពនេះ បានបង្ហាញពីការយកចិត្ដទុកដាក់ គិតគូពីសុខភាព និងទុក្ខលំបាករបស់ប្រជាពលរដ្ឋក្នុងមូលដ្ឋានរបស់ខ្លួន ជាពិសេសចាស់ជរាគ្មានទីពឹង ស្រ្តីមេមាយ និងក្មេងកំព្រា ដែលជួបបញ្ហាដូចជាគ្រោះ ថ្នាក់ចរាចរ រន្ទះបាញ់ ខ្យល់កន្រ្តាក់ ភ្លើងឆេះផ្ទះ និងគោលនយោបាយ ក៣ (កើត ការ និងស្លាប់)។ល។ ហើយជាក់ស្តែងអំណោយនាពេលនេះគឺអាវរងារដែលជួយកាត់បន្ថយភាពត្រជាក់ក្នុងរដូវ រងារនេះ។ ចុងបញ្ចប់ លោកបានផ្តាំផ្ញើជូនលោកតា លោកយាយមើលថែទាំងសុខភាពឲ្យបានល្អ ជាពិសេសអនុវត្តឲ្យខាងតែបាននូវវិធានការ ៣កុំ ៣ការពារ និងបានជូនពរឲ្យជួបតែពុទ្ធពរទាំង ៤ប្រការ។
បន្ទាប់ពីកម្មវិធីចែកអាវរងារ ឯកឧត្តមប្រធានក្រុមការងារ លោកជំទាវ និងសហការី បានអញ្ជើញមកពិនិត្យស្នាក់ការបក្សឃុំក្រឡា។ ស្នាក់ការបក្សនេះត្រូវបានសាងសង់រួចរាល់លើផ្ទៃដី ៩៥០ម៉ែត្រការ៉េ ហើយគ្រោងដាក់សម្ពោធឲ្យ ប្រើប្រាស់ជាផ្លូវការក្នុងពេលឆាប់នេះ។ ឯកឧត្តមប្រធានក្រុមការងារ បានកោតសរសើរចំពោះស្មារតីទទួលខុសត្រូវរបស់ឯកឧត្តម និងសហការីចុះឃុំក្រឡាដែលបានខិតខំពុះពាររួមគ្នាកសាងស្នាក់ការនេះឡើងទុកសម្រាប់បម្រើឲ្យប្រយោជន៍រួមនាពេលអនាគត។នាឱកាសនេះឯកឧត្តមបានឧបត្ថម្ភ១០០០០០០រៀលជូនលោកមេឃុំទុកប្រើប្រាស់តាមការចាំបាច់៕សហការី