មេដឹ​កនាំកម្ពុជាបាន​​ប្រកាស​ពី​ការ​ត្រៀមខ្លួន​ទៅកាន់​ភូមា

នាថ្ងៃទី២​ខែធ្នូនេះសម្តេចនាយករដ្ឋមន្ត្រី​ហ៊ុន សែន​បាន​ប្រកាស​ពីការ​ត្រៀមខ្លួន​របស់​លោក​ទៅកាន់​ភូមា​ក្នុង​នាមជា​នាយករដ្ឋមន្ត្រី​កម្ពុជា​នាពេលខាងមុខ។​ នៅថ្ងៃទី៦ និងទី៧ ខែធ្នូ លោក Wunna Maung Lwin រដ្ឋមន្ត្រីការបរទេសរបស់ភូមានឹងមកបំពេញទស្សនកិច្ចនៅកម្ពុជាតបតាមការអញ្ជើញរបស់ភាគីកម្ពុជា ហើយនឹងជជែកពីបញ្ហារបស់ភូមា។ ​នេះជាការបញ្ជាក់របស់សម្តេចនាយករដ្ឋមន្ត្រី ហ៊ុន សែន ក្នុងឱកាសសម្ពោធដាក់ឲ្យប្រើប្រាស់ជាផ្លូវការផ្លូវចំនួន៣៧ខ្សែនិងអាងប្រព្រឹត្តកម្មទឹកកខ្វក់ចំនួន៣ និងសមិទ្ធផលនានាដែលចំណាយថវិកាសាងសង់សរុបប្រមាណ៣០០លានដុល្លារអាមេរិកក្នុងក្រុងព្រះសីហនុ។សម្តេចលើកឡើងថាសម្តេចបានត្រៀមខ្លួនជាស្រេចក្នុងការធ្វើដំណើរទៅកាន់ប្រទេសភូមា ដោយមិនមានដាក់លក្ខខណ្ឌទុកជាមុននោះទេហើយដំណើរទស្សនកិច្ច ដែលគ្រោងធ្វើឡើងនេះ គឺក្នុងរូបភាពជានាយករដ្ឋមន្ត្រីកម្ពុជា។ភូមាបច្ចុប្បន្នស្ថិតក្រោមការដឹកនាំដោយរដ្ឋាភិបាលយោធារបស់ លោក មីន អ៊ុងឡាំង ក្រោយរដ្ឋប្រហារកាលពីដើមខែកុម្ភៈ ឆ្នាំ២០២១។ កាលពីអំឡុង ជំនួប​កំពូល​ថ្ងៃ២៦-២៨តុលា២០២១ អាស៊ានមិន​បានអញ្ជើញ​មេដឹកនាំសឹក​ភូមា លោក មីន អ៊ុងឡាំង ឱ្យ​ចូល​រួមនោះទេ។ ជា​វិធានការ​ដ៏​កម្រ​របស់​អាស៊ាន​ចំពោះ​​ក្រុម​យោធា​ភូមា​ ដែល​​មិន​ខ្វល់​ ឬ​ចង់​ដោះស្រាយ​វិបត្តិក្រោយរដ្ឋប្រហារខែកុម្ភៈ។សម្តេចបានចោទសួរថាបើអាស៊ានមានតែ៩ប្រទេសតើអាចហៅថាជាអាស៊ានយ៉ាងម្តេចនឹងកើតព្រោះអាស៊ានត្រូវការគោលការណ៍កុងសង់ស៊ីស។ដូច្នេះបើកុងសង់ស៊ីសត្រូវតែមាន១០ ហើយម្យ៉ាងធម្មនុញ្ញអាស៊ានមិនអាចដេញសមាជិកណាមួយចេញនោះទេ។ បើតាមសម្តេចនេះគឺជាការគិតគូរខ្លះៗខណៈកម្ពុជានឹងធ្វើជាប្រធានអាស៊ាននៅឆ្នាំ២០២២ខាងមុខនេះ៕សហការី