រុស្ស៊ីបានចាប់ផ្តើមប្រគល់ប្រព័ន្ធខែលការពារដែនអាកាសS-400ដល់ឥណ្ឌា។ បើទោះបីជាប្រទេសឥណ្ឌាប្រឈមមុខនឹងការដាក់ទណ្ឌកម្មពីសហរដ្ឋអាមេរិកក៏ដោយ។ទីភ្នាក់ងារព័ត៌មាន Interfaxបានដកស្រង់សម្តីលោកDmitry Shugaye ប្រធានទីភ្នាក់ងារសហប្រតិបត្តិការយោធារបស់រុស្ស៊ី ដែលបាននិយាយកាលពីថ្ងៃទី១៤ខែវិច្ឆិកាថា”ប្រទេសរុស្ស៊ីបានចាប់ផ្តើមការដឹកជញ្ជូនជាលើកដំបូង” ។ មន្ត្រីរូបនេះបានបន្ថែមថាប្រព័ន្ធមីស៊ីលការពារដែនអាកាសS-400 ត្រូវបានគេរំពឹងថានឹងមកដល់ប្រទេសឥណ្ឌានៅចុងឆ្នាំនេះ។ប្រទេសឥណ្ឌាបានចុះហត្ថលេខាលើកិច្ចព្រមព្រៀងទិញS-400 “Fire Dragon” ចំនួន៧ប្រទេសរុស្ស៊ីក្នុងតម្លៃជិត៥.៥ពាន់លានដុល្លារនៅក្នុងខែតុលា ២០១៨។ រួមជាមួយប្រទេសចិន តួកគី ឥណ្ឌាគឺជាអតិថិជនដំបូងគេដែលបានទទួល S-400 ពីប្រទេសរុស្ស៊ី។ការទិញ​ទីតាំង​កាំជ្រួច​របស់​រុស្ស៊ី​ធ្វើឱ្យ​ឥណ្ឌា​ប្រឈម​នឹង​ការ​ដាក់​ទណ្ឌកម្ម​ពី​អាមេរិក។ ក្នុងឆ្នាំ២០១៧សហរដ្ឋអាមេរិកបានអនុម័តច្បាប់ដាក់ទណ្ឌកម្មលើប្រទេសណាដែលទិញអាវុធពីរុស្ស៊ី។ ឥណ្ឌា​មាន​ភាព​ជា​ដៃគូ​យុទ្ធសាស្ត្រ​ជាមួយ​ទាំង​រុស្ស៊ីនិង​អាមេរិក។ប៉ុន្តែ​ក្រុង​វ៉ាស៊ីនតោន​បាន​បញ្ជាក់​ថា ឥណ្ឌា​នឹង​មិន​មាន​ករណី​លើកលែង​ចំពោះ​ច្បាប់​នេះ​ទេ។កាល​ពី​ឆ្នាំ​មុនអាមេរិក​ក៏​បាន​ដាក់​ទណ្ឌកម្ម​លើ​តួកគី​ដែល​ជា​សម្ព័ន្ធមិត្ត​ណាតូ​សម្រាប់​ការ​ទិញ​ប្រព័ន្ធ S-400 ពី​រុស្ស៊ី។ទណ្ឌកម្ម​នេះ​មាន​គោលដៅ​លើ​សកម្មភាព​លទ្ធកម្ម​ការពារជាតិ​តួកគី​សំខាន់ៗ។ ទីក្រុងវ៉ាស៊ីនតោនក៏បានដកប្រទេសតួកគីចេញពីកម្មវិធីអភិវឌ្ឍយន្តហោះចម្បាំងបំបាំងកាយ F-35 ផងដែរ។ រុស្ស៊ីនិយាយថាខ្លួនបានផ្តល់ជំនួយដល់ប្រទេសតួកគីក្នុងការអភិវឌ្ឍយន្តហោះចម្បាំងបច្ចុប្បន្នរបស់ខ្លួន ។ប៉ុន្តែរហូតមកដល់ពេលនេះភាគីទាំង២មិនទាន់ឈានដល់កិច្ចព្រមព្រៀងនៅឡើយទេ៕យោងតាម Reuters

កាំជ្រួច S-400 របស់រុស្ស៊ី (រូបថត៖ Reuters)