ចក្រភពអង់គ្លេសបានក្លាយជាប្រទេសដំបូងគេនៅលើពិភពលោកដែលអនុម័តថ្នាំគ្រាប់Molnupiravir ដើម្បីព្យាបាលអ្នកជំងឺដែលឆ្លងCovid-19។ទីភ្នាក់ងារនិយតកម្មឱសថនិងផលិតផលថែទាំសុខភាពរបស់ចក្រភពអង់គ្លេស(MHRA) បានផ្តល់អនុសាសន៍ឱ្យប្រើប្រាស់ជាបន្ទាន់នូវថ្នាំmolnupiravirសម្រាប់អ្នកដែលមានការឆ្លងមេរោគកម្រិតស្រាលដល់កម្រិតមធ្យមនិងយ៉ាងហោចណាស់កត្តាកាត់បន្ថយហានិភ័យមួយសម្រាប់ជំងឺធ្ងន់ធ្ងរដូចជា ភាពធាត់ ជំងឺទឹកនោមផ្អែម ជំងឺបេះដូង អាយុចាស់។ដោយដកស្រង់ទិន្នន័យគ្លីនិកMHRA ណែនាំឱ្យប្រើថ្នាំនេះឱ្យបានឆាប់តាមដែលអាចធ្វើទៅបានបន្ទាប់ពីអ្នកជំងឺបានធ្វើតេស្តវិជ្ជមាន ហើយក្នុងរយៈពេល៥ថ្ងៃបន្ទាប់ពីការចាប់ផ្តើមនៃរោគសញ្ញា។នេះគឺជាថ្នាំCovid-19 ដែលត្រូវបានអនុម័តជាលើកដំបូងហើយជាលើកដំបូងដែលថ្នាំCovid-19 លេបត្រូវបានគេរំពឹងថានឹងត្រូវបានគេប្រើប្រាស់យ៉ាងទូលំទូលាយនៅក្នុងសហគមន៍។ក្នុង​ការ​សាកល្បង​ព្យាបាល​ថ្នាំ​ដែល​ត្រូវ​បាន​បង្កើត​ឡើង​ដំបូង​ដើម្បី​ព្យាបាល​ជំងឺ​គ្រុន​ផ្តាសាយ​បាន​កាត់​បន្ថយ​ហានិភ័យ​នៃ​ការ​ចូល​​មន្ទីរពេទ្យ​ឬ​ការ​ស្លាប់ប្រហែល​៥០%។ដូច្នោះហើយថ្នាំនៅ​ពេលចូលទៅក្នុងខ្លួននឹងរំខា​នដល់ការវិវត្តនៃមេរោគ ការពារមេរោគកុំឱ្យលូតលាស់រក្សាកម្រិតមេរោគទាបក្នុងរាងកាយនិងកាត់បន្ថយភាពធ្ងន់ធ្ងរនៃជំងឺ។ ថ្នាំនេះនឹងត្រូវបានចេញវេជ្ជបញ្ជាឱ្យប្រើ២ដងក្នុងមួយថ្ងៃរយៈពេល៥ថ្ងៃជាប់ៗគ្នា។សាស្ត្រាចារ្យ Stephen Powis នាយកសេវាសុខភាពជាតិរបស់ចក្រភពអង់គ្លេស (NHS) បាននិយាយថា ថ្នាំនេះនឹងត្រូវបានផ្តល់ទៅឱ្យអ្នកជំងឺដែលមានហានិភ័យខ្ពស់នៃផលវិបាកខណៈដែលចក្រភពអង់គ្លេសបានចូលទៅក្នុងការសាកល្បងមួយក្នុងរដូវរងាររបស់ខ្លួនដែលមានបញ្ហាប្រឈមបំផុតមិនធ្លាប់មាន។ លោកបានបន្ថែមថាចក្រភពអង់គ្លេសអាចដាក់ចេញនូវការព្យាបាលយ៉ាងទូលំទូលាយជាមួយនឹងថ្នាំនេះ ដែលហៅថាLagevriនៅក្នុងចក្រភពអង់គ្លេសប្រសិនបើវាមានប្រសិទ្ធភាពក្នុងការកាត់បន្ថយការចូលមន្ទីរពេទ្យ ការស្លាប់ និងថ្លៃព្យាបាលផងដែរ។រដ្ឋមន្ត្រីក្រសួងវ៉ាក់សាំងចក្រភពអង់គ្លេសMaggie Thgroup បានប្រាប់សភាថា “ឥឡូវនេះយើងកំពុងធ្វើការជាមួយរដ្ឋាភិបាលនិង NHS ដើម្បីនាំយកការព្យាបាលនេះជាបន្ទាន់ដល់អ្នកជំងឺ”។ចក្រភពអង់គ្លេសក៏ជាប្រទេសលោកខាងលិចដំបូងគេដែលអនុម័តវ៉ាក់សាំង Covid-19 ។ ចំណាត់ការ​នេះ​ធ្វើឡើង​ក្នុង​បរិបទ​ដែល​ប្រទេស​នេះ​កំពុង​តស៊ូ​ជាមួយនឹង​រលក​នៃ​ភាព​តានតឹង​កើនឡើង​។ចក្រភពអង់គ្លេសកំពុងមើលឃើញការរីករាលដាលនៃជំងឺរាតត្បាតជាមួយនឹងការឆ្លងថ្មីប្រហែល ៤០,០០០ក្នុងមួយថ្ងៃជារៀងរាល់ថ្ងៃដែលបង្កឱ្យមានការរិះគន់ជុំវិញការសម្រេចចិត្តលុបចោលការរឹតបន្តឹងការការពារការរីករាលដាលភាគច្រើន។ ទិន្នន័យដែលបានចេញផ្សាយកាលពីថ្ងៃទី៣ខែវិច្ឆិកាបានបង្ហាញថា អត្រាឆ្លងបានកើនឡើងដល់កម្រិតខ្ពស់កាលពីខែមុនដែលជំរុញដោយចំនួននៃការឆ្លងខ្ពស់ក្នុងចំណោមកុមារនៅក្នុងតំបន់ដែលទទួលថ្នាំបង្ការទាបនៅភាគនិរតី។Meck បាននិយាយថាខ្លួនគ្រោងនឹងផលិតថ្នាំ molnupiravir ចំនួន១០លានដូសនៅចុងឆ្នាំនេះនិងយ៉ាងហោចណាស់២០លានដូសនៅឆ្នាំ២០២២។នៅសហរដ្ឋអាមេរិកមន្ត្រីសុខាភិបាលអាមេរិកនឹងជួបប្រជុំគ្នានៅថ្ងៃទី៣០ខែវិច្ឆិកា ដើម្បីពិនិត្យមើលទិន្នន័យសុវត្ថិភាពនិងប្រសិទ្ធភាពរបស់ឱសថហើយបោះឆ្នោតថាតើត្រូវអនុញ្ញាតឲ្យប្រើប្រាស់ថ្នាំ Molnupiravir ដែរឬទេ?៕យោងតាមReuters

គ្រាប់ថ្នាំ Molnupiravir ដើម្បីព្យាបាល Covid-19 (រូបថត៖ Reuters)