មហាសេដ្ឋីរុស្ស៊ីOlegTinkovត្រូវបានអាជ្ញាធរអាមេរិកបង្គាប់ឱ្យបង់ប្រាក់ជិត៥០៩លានដុល្លារដើម្បីដោះស្រាយការចោទប្រកាន់ថាលោកបានគេចពន្ធអស់រយៈពេលជាច្រើនឆ្នាំ។ក្រសួងយុត្តិធម៌អាមេរិកបាននិយាយកាលពីថ្ងៃទី២៩ខែតុលាថាមហាសេដ្ឋីTinkovអាយុ៥៣ឆ្នាំត្រូវបានបញ្ជាឱ្យបង់ប្រាក់ជិត៥០៩លានដុល្លារដើម្បីដោះស្រាយការចោទប្រកាន់គេចពន្ធប្រឆាំងនឹងលោក។មហាសេដ្ឋីផ្នែកធនាគារ និងវិនិយោគបានបង់ពន្ធនិងពិន័យជាប្រាក់បន្ទាប់ពីបានសារភាពកំហុសកាលពីថ្ងៃទី១ខែតុលា ក្នុងការលាក់បាំងទ្រព្យសម្បត្តិជាង១ពាន់លានដុល្លារដើម្បីគេចពីពន្ធនៅពេលលោកបោះបង់ចោលសញ្ជាតិអាមេរិកក្នុងឆ្នាំ២០១៦។លោក Tinkov គឺជាស្ថាបនិកនៃសេវាកម្មឥណទានTinkoff ដែលក្រោយមកបានក្លាយជាធនាគារតាមអ៊ីនធឺណិតTinkoff ។ លោកក៏ជាម្ចាស់ក្រុមជិះកង់អាជីព Tinkoff ផងដែរ។ក្រសួងយុត្តិធម៌អាមេរិកបាននិយាយថាលោកTinkovដែលកើតនៅក្នុងប្រទេសរុស្ស៊ីបានក្លាយជាពលរដ្ឋអាមេរិកនៅឆ្នាំ១៩៩៦។ នៅឆ្នាំ២០១៣លោកបានចុះបញ្ជីឥណទានTinkoff នៅលើផ្សារហ៊ុនទីក្រុងឡុងដ៍។ ភាគហ៊ុនដែលលោកគ្រប់គ្រងមានតម្លៃ១.១ពាន់លានដុល្លារ។
៣​ថ្ងៃ​បន្ទាប់​ពី​ចេញ​ជា​សាធារណៈ លោក​បាន​បោះបង់​សញ្ជាតិ​អាមេរិក​នៅ​ស្ថានទូត​អាមេរិក​ប្រចាំ​ប្រទេស​រុស្ស៊ី។ ទោះជាយ៉ាងណាក៏ដោយដើម្បីបោះបង់សញ្ជាតិអាមេរិករបស់លោក។លោកចាំបាច់ត្រូវប្រកាសទ្រព្យសម្បត្តិរបស់លោក ហើយលោកបាននិយាយថាលោកបានដាក់ឯកសារដែលនិយាយថាលោកមានត្រឹមតែ ៣០០,០០០ដុល្លារប៉ុណ្ណោះ។ក្នុងឆ្នាំ២០១៩ក្រសួងយុត្តិធម៌សហរដ្ឋអាមេរិកបាននិយាយថាលោកជំពាក់ប្រាក់ប្រហែល២៤៩លានដុល្លារ។ ក្នុង​ការ​ទូទាត់​ដែល​បាន​ប្រកាស​កាល​ពី​ម្សិល​មិញលោក​ត្រូវ​បង្ខំ​ចិត្ត​បង់​ប្រាក់​លើស​ពី​ទ្វេ​រដង​នៃ​ចំនួន​ដែល​ជំពាក់​ដោយ​សារ​ការ​ប្រាក់និង​ការ​ពិន័យ។
ចាប់តាំងពីឆ្នាំ ២០២០មកក្រសួងយុត្តិធម៌សហរដ្ឋអាមេរិកបានស្វែងរកការធ្វើបត្យាប័នលោកTinkov ពីចក្រភពអង់គ្លេសសម្រាប់ការចោទប្រកាន់ដែលបានរៀបរាប់ខាងលើ។ ទោះយ៉ាងណាក៏ដោយ លោក Tinkov បានជំទាស់នឹងសំណើនេះដោយនិយាយថា លោកកំពុងទទួលការព្យាបាលជំងឺមហារីកឈាម ដែលធ្វើឲ្យលោកមានភាពស៊ាំនឹងជំងឺដែលជាហេតុធ្វើឲ្យលោកមិនអាចដើរបាន។យោងតាមស្ថិតិរបស់ទស្សនាវដ្ដី Forbes លោក Tinkov បច្ចុប្បន្នមានទ្រព្យសម្បត្តិច្រើនជាង៨ពាន់លានដុល្លារ៕យោងតាមAFP

មហាសេដ្ឋីរុស្ស៊ីOlegTinkov។រូបភាពTass