ប្រមុខរដ្ឋាភិបាលសង្កត់ធ្ងន់លើអាទិភាពការពារកុមារ
លោកនាយករដ្ឋមន្ត្រីហ៊ុន សែន ថ្លែងថារដ្ឋាភិបាលរបស់លោកផ្តល់អាទិភាពខ្ពស់ក្នុងការការពារកុមារពីការរំលោភបំពានគ្រប់ទម្រង់។ក្នុងសេចក្តីថ្លែងការណ៍មួយកាលពីម្សិលមិញ ដើម្បីប្រារព្ធទិវាកុមារអន្តរជាតិ លោកបានមានប្រសាសន៍ថាកុមារមានសារសំខាន់ណាស់សម្រាប់ប្រទេសជាតិ។លោកនាយករដ្ឋមន្ត្រីបានគូសបញ្ជាក់ពីការសម្រេចចិត្តរបស់លោកក្នុងការចាក់ថ្នាំបង្ការដល់កុមារដែលមានអាយុចាប់ពី៣ឆ្នាំឡើងទៅ ជាមធ្យោបាយការពារពួកគេពីកូវីដ-១៩។លោកមានប្រសាសន៍ថា៖ « តាមរយៈការគ្រប់គ្រង (វ៉ាក់សាំង) យើងបានការពារការរីករាលដាលដ៏ធំនៃមេរោគកូវិត១៩។ កម្ពុជាបានរាយការណ៍ពីអត្រាឆ្លងនិងការស្លាប់ទាបបំផុត ជាពិសេសក្នុងតំបន់អាស៊ាន»។លោកបានបន្ថែមថា៖ «យើងក៏បានធ្វើអន្តរាគមន៍ជួយគ្រួសារកុមារក្រីក្រដោយផ្តល់ជាសាច់ប្រាក់ដែលផ្តល់អត្ថប្រយោជន៍ដល់កុមារជាង ៦០ ម៉ឺននាក់»។
លោកមានប្រសាសន៍បន្ថែមថា៖ « រដ្ឋាភិបាលតែងតែយកចិត្តទុកដាក់ មានឆន្ទៈមុតមាំ និងប្តេជ្ញាចិត្តខ្ពស់ក្នុងការលើកកម្ពស់សិទ្ធិកុមារ និងលើកទឹកចិត្តដល់ជនរួមជាតិរបស់យើង។ កុមារជាអ្នកដែលត្រូវជួយស្ដារ កសាង និងអភិវឌ្ឍប្រទេសជាតិកម្ពុជា»។លោក ហ៊ុន សែន បន្ថែមថា ប្រទេសជាតិកំពុងត្រូវការមនុស្សដែលមានធនធានរួម ដើម្បីបន្តវិនិយោគលើកុមារនាពេលបច្ចុប្បន្ននេះ និងដើម្បីអភិវឌ្ឍធនធានមនុស្សប្រកបដោយសក្តានុពលនាពេលអនាគត ដើម្បីសម្រេចបាននូវការអភិវឌ្ឍន៍ប្រកបដោយចីរភាពនៅកម្ពុជា។ក្នុងនាមជាសមាជិកនៃភាពជាដៃគូសកលសម្រាប់ការលុបបំបាត់អំពើហិង្សាលើកុមារ កម្ពុជាបានបោះជំហានទៅមុខក្នុងការបង្ហាញការប្តេជ្ញាចិត្តរួមគ្នារបស់យើងក្នុងការលុបបំបាត់អំពើហិង្សាលើកុមារនិងគ្រប់ទម្រង់នៃការរំលោភបំពានលើកុមារក្នុងគោលបំណងធ្វើឱ្យប្រសើរឡើងនូវការអនុវត្តអនុសញ្ញាស្តីពីសិទ្ធិរបស់កុមារ។អគ្គលេខាធិការក្រុមប្រឹក្សាជាតិដើម្បីកុមារកម្ពុជា លោកស្រី ញ៉េប សុភាព មានប្រសាសន៍ថា កុមារត្រូវតែការពារពីការរំលោភបំពាន។ អ្នកស្រីបាននិយាយថា៖ «កុមារមានសារសំខាន់សម្រាប់ជាតិហើយពួកគេត្រូវតែត្រូវបានការពារពីការរំលោភបំពានតាមអ៊ីនធឺណិតដែលប៉ះពាល់ដល់សុខភាពផ្លូវចិត្តរបស់ពួកគេ»។លោកស្រីបន្តថា៖ « ឪពុកម្តាយត្រូវតែយកចិត្តទុកដាក់ចំពោះពួកគេ និងការពារពួកគេពីការចំណាយពេលវេលាច្រើនពេកជាមួយស្មាតហ្វូនរបស់ពួកគេ។ កុមារក៏ត្រូវតែត្រូវបានការពារពីអំពើហិង្សាក្នុងគ្រួសារផងដែរ ដោយសារពួកគេមានភាពផុយស្រួយ»។នាយករងប្រចាំប្រទេសនៃអង្គការភ្លែនអន្តរជាតិកម្ពុជា លោក យី គឹមថាន មានប្រសាសន៍កាលពីម្សិលមិញថា លោកពិតជារីករាយដែលស្ថាប័នរដ្ឋាភិបាលទាំងអស់ប្រារព្ធទិវាកុមារពិភពលោក។លោកបានបន្តថា៖ « យើងនឹងមិនបន្សល់ទុកនរណាម្នាក់នៅពីក្រោយឡើយ កុមារទទួលបានការការពារពេញលេញពីយើង ហើយយើងកំពុងធ្វើការដើម្បីការពារពួកគេ»៕KhmerTime
ទិវាកុមារអន្តរជាតិត្រូវបានប្រារព្ធនៅថ្ងៃទី០១ខែមិថុនាជារៀងរាល់ឆ្នាំ។រូបភាព៖ពុតសាម៉ាត់