ភ្លើង​ទៀន​នឹងប្តឹងឧទ្ធរណ៍​លើការចោ​ទប្រកាន់ចែ​កលុ​យ​បេក្ខជន

សមាជិកគណបក្សភ្លើងទៀនខេត្តកំពង់ចាមនិយាយថាលោកគ្រោងនឹងដាក់បណ្តឹងសាទុក្ខទៅកាន់គណៈកម្មាធិការជាតិរៀបចំការបោះឆ្នោត(គ.ជ.ប)បន្ទាប់ពីត្រូវបានផាកពិន័យពីបទចែកថវិកាដល់អ្នកបោះឆ្នោតក្នុងការបោះឆ្នោតឃុំសង្កាត់។លោក គង់ រ៉ៃយ៉ា ប្រធាន​ក្រុម​ទ្រទ្រង់​ស្រុកកងមាស ​និង​ជា​ប្រធាន​គណបក្ស​ភ្លើង​ទៀន​ឃុំស្តៅ បាននិយាយ​កាល​ពី​ម្សិល​មិញ​ថា ការ​ផាក​ពិន័យ​លោក​ជា​រឿង​អយុត្តិធម៌ ហើយ​លោក​ចាត់​ទុក​ថានេះ​ជា​ការ​បំភិត​បំភ័យ​ដោយ​គណបក្ស​ប្រជាជន​កម្ពុជា (CPP) ​ដែល​កំពុង​កាន់​អំណាច។លោកត្រូវ​បាន​គណៈកម្មាធិការ​រៀបចំ​ការ​បោះ​ឆ្នោត​ខេត្ត​ផាក​ពិន័យ​ប្រមាណ ១២៣២ ដុល្លារ ជុំវិញ​ការ​ចែកថវិកាដល់​បេក្ខជន​ចំនួន​១១​ឃុំ​។ ​លោក​បន្តថាបណ្ដឹង​ដែល​ប្ដឹង​ដោយអ្នកស្រីជឹនដាវីតំណាងគណបក្សប្រជាជនកម្ពុជាមិនមានយោងទៅតាមច្បាប់នោះទេ តែនេះជាប់ពាក់ព័ន្ធនឹងបញ្ហានយោបាយច្រើនជាង។លោក​ពន្យល់​ថាការចែកថវិកានាពេលកន្លងមក គឺចែកដល់បេក្ខជនដែលឈរឈ្មោះមិនមែនចែកឲ្យប្រជាពលរដ្ឋជាម្ចាស់ឆ្នោតឡើយ។លោកបន្ថែមថា៖ «ខ្ញុំកំពុងរៀបចំប្តឹងទៅ គ.ជ.ប ប្រឆាំងនឹងគណៈកម្មាធិការរៀបចំការបោះឆ្នោតខេត្តកំពង់ចាម ជុំវិញការផាកពិន័យចំពោះការចែកថវិកាដល់បេក្ខជនចំនួន១១ឃុំ​»។
បេក្ខជន​គណបក្ស​ភ្លើងទៀន​បាន​បង្ហាញ​ខ្លួន​កាល​ពី​ថ្ងៃ​សុក្រ​នៅ​ចំពោះ​មុខ​គណៈកម្មាធិការ​រៀបចំ​ការ​បោះ​ឆ្នោត​ខេត្ត​កំពង់ចាម ជុំវិញ​ការ​ចោទ​ប្រកាន់​ថា​ពួកគេ​បាន​ចែកថវិការ​ឲ្យ​អ្នក​បោះឆ្នោត។
គណបក្ស​ប្រជាជន​បាន​ចោទ​ថាថវិការនោះត្រូវបានប្រើប្រាស់ជាការ​ទិញ​សាំង អាហារ និង​សម្ភារៈ​ផ្សេងៗ ហើយ​ទាមទារ​ឲ្យមានការដក​ឃុំ​ទាំង ១១ ចេញ។បដិសេធ​ការ​ចោទ​ប្រកាន់​នេះ លោក គង់ រ៉ៃយ៉ា បានឲ្យដឹងថា៖ «ខ្ញុំ​បាន​យក​ថវិការចំនួន ១១០០ ដុល្លារ​ពី​គណបក្ស និង​ក្រុម​គាំទ្រ​ផ្សេង​ទៀត​ទៅ​គាំទ្រ​តំណាង​នៅ​ឃុំ​ស្តៅ និង​ឃុំ​ទាំង ១១ ក្នុង​ស្រុក​កងមាស។ ខ្ញុំ​បាន​បរិច្ចាគ ១០០ ដុល្លារ​ក្នុង​មួយ​ឃុំ​ដើម្បី​ចំណាយ​លើ​ការ​ឃោសនា​បោះឆ្នោត»។
លោក ឈឹម ចាន់ធឿន ប្រធាន​គណៈកម្មាធិការ​ជាតិ​រៀបចំ​ការ​បោះ​ឆ្នោត​ខេត្ត​កំពង់ចាម និយាយ​ថា លោក​បាន​សម្រុះ​សម្រួល​បញ្ហា​នេះ​រួច​ហើយ។លោក​បន្ត​ថាបេក្ខជន​ទាំង ១៤ រូប​មក​ពី​ឃុំ​ចំនួន ១១ ក្នុង​ស្រុក​កងមាស នឹង​តំណាង​ឲ្យ CP ដោយសារ​ពួកគេ​មិន​ពាក់ព័ន្ធ​នឹង​ការ​រំលោភ​បំពាន​ណាមួយ​ឡើយ។ចំណែក​លោក គង់ រ៉ៃយ៉ា នឹងត្រូវ​ពិន័យ​ព្រោះ​លោក​ជា​អ្នក​រៀបចំ ប៉ុន្តែ​លោក ចាន់ ធឿន ថា​លោក​មិន​ដឹង​ថា​លោក រ៉ៃយ៉ា ប្តឹង​ទៅ គ.ជ.ប ឬ​យ៉ាង​ណា​ទេ។អ្នកស្រី ជឹន ដាវី តំណាងគណបក្សប្រជាជនកម្ពុជា មិន​អាច​ទាក់ទង​សុំ​ការ​បំភ្លឺ​ជុំវិញ​បញ្ហា​នេះ​បាន​ទេ។លោក សំ គន្ធាមី នាយកប្រតិបត្តិអង្គការនិកហ្វិច (NICFEC) និយាយថាប្រសិនបើពួកគេបានចែកថវិការដូចការចោទប្រកាន់នោះ គណៈកម្មាធិការរៀបចំការបោះឆ្នោតខេត្តកំពង់ចាម គួរចេញលិខិតព្រមាន និងធានាជាលាយលក្ខណ៍អក្សរ មុននឹងធ្វើការសម្របសម្រួលបញ្ចប់បញ្ហា៕Khmer Times


លោក គង់ រ៉ៃយ៉ា នៃ​គណបក្ស​ពន្លឺ​ភ្លើង​ទទួល​លិខិត​ចេញ​ដោយ​គណៈកម្មាធិការ​រៀបចំ​ការ​បោះ​ឆ្នោត​ខេត្ត​កំពង់ចាម ជុំវិញ​ការ​ចោទពីបទចែកថវិការ​នៅ​ស្រុក​កង់មាស។Khmer Times,ហ្វេសប៊ុក