ភាគខាងត្បូងប្រទេសប្រេស៊ីលបានជួបប្រទះនឹងអាកាសធាតុត្រជាក់ខ្លាំងដែលគំរាមកំហែងដល់ដំណាំ និងមនុស្សគ្មានផ្ទះសម្បែង។រដ្ឋធានីប្រេស៊ីលកាលពីថ្ងៃទី១៩ខែឧសភាបានកត់ត្រាសីតុណ្ហភាព១.៤ អង្សារសេដែលជាត្រជាក់បំផុតក្នុងប្រវត្តិសាស្ត្រនៅពេលដែលនៅសល់ជាង១ខែមុនពេលរដូវរងាចូល។ សីតុណ្ហភាពក្នុងខែឧសភានៅប្រេស៊ីលពីឆ្នាំ១៩៩១ដល់ឆ្នាំ ២០២០ប្រែប្រួលចន្លោះពី១៥ ទៅ២៧អង្សាសេ។នៅលើគេហទំព័ររបស់ទីភ្នាក់ងារឧតុនិយមInmetនៅភាគខាងត្បូងនៃប្រទេសប្រេស៊ីលទាំងមូលត្រូវបានរំលេចជាពណ៌ទឹកក្រូចជាមួយនឹងចំណងជើងថា”ត្រជាក់ដ៏គ្រោះថ្នាក់”។នៅក្នុងទីក្រុង Sao Paulo ដែលជាទីក្រុងធំបំផុតរបស់អាមេរិកឡាទីនសីតុណ្ហភាពមាន៦.៦អង្សាសេ នៅព្រឹកថ្ងៃទី១៨ឧសភា ដែលជាការត្រជាក់បំផុតក្នុងខែឧសភាចាប់តាំងពីឆ្នាំ១៩៩០។ ប្រជាជនបាននិយាយថាវាត្រជាក់រហូតដល់ -៤អង្សាសេ។បុរសអនាថាអាយុ ៦៦ ឆ្នាំម្នាក់បានស្លាប់ភ្លាមៗនៅថ្ងៃទី១៨ ខែឧសភានៅទីក្រុងSaoPaulo ខណៈពេលដែលកំពុងរង់ចាំអាហារសប្បុរសធម៌។ តាម​ប្រព័ន្ធ​ផ្សព្វផ្សាយ​ក្នុង​ស្រុកជន​នេះ​បាន​ដេក​មួយ​យប់​នៅ​តាម​ផ្លូវ។សាលាក្រុង Sao Paulo នៅសប្តាហ៍នេះ បានប្រកាសអំពីការរៀបចំគ្រែចំនួន ២,០០០ បន្ថែមទៀតដើម្បីជៀសវាងភាពត្រជាក់ ដែលនាំកើនឡើងដល់១៧,០០០គ្រែ។ រដ្ឋធានីសេដ្ឋកិច្ចរបស់ប្រទេសប្រេស៊ីលមានអ្នកគ្មានផ្ទះសម្បែងជិត ៣២,០០០នាក់ ដែលជិតមួយភាគបីនៃចំនួនកាលពី៣ឆ្នាំមុន មុនពេលជំងឺរាតត្បាតបានផ្ទុះឡើង។នៅភាគខាងត្បូងរដ្ឋSantaCatarinaជាកន្លែងដែលសីតុណ្ហភាពបានធ្លាក់ចុះក្រោម២អង្សាសេអស់រយៈពេលជាច្រើនថ្ងៃនិងមានព្រិលធ្លាក់ អ្នកទេសចរបានសម្រុកមកទីនេះដើម្បីរីករាយនឹងទេសភាព។Estael Sias អ្នកជំនាញនៅទីភ្នាក់ងារឧតុនិយម Metsul បាននិយាយថា “ភាពត្រជាក់មិនធម្មតា” គឺបណ្តាលមកពីឥទ្ធិពលនៃព្យុះស៊ីក្លូន Yakecan លើភាគខាងត្បូងប្រទេសប្រេស៊ីលនិងអ៊ុយរូហ្គាយ។ លោកស្រីបាននិយាយថា”បាតុភូតនេះគឺមិនធម្មតា។ប៉ុន្តែវាស្របតាមនិន្នាការនៃព្រឹត្តិការណ៍ធ្ងន់ធ្ងរបន្ថែមទៀតដែលកើតឡើងដោយសារតែការប្រែប្រួលអាកាសធាតុ”។Inmetបានព្រមានអំពី “ផលវិបាកដែលអាចកើតមាន” នៃជំងឺផ្តាសាយសត្វលើវិស័យកសិកម្មក្នុងប្រទេសប្រេស៊ីល ដែលជាប្រទេសផលិតអាហារដ៏ធំបំផុតមួយរបស់ពិភពលោក៕យោងតាមAFP

បុរស​ម្នាក់​ពាក់​អាវ​រងា​រដូវរងា​ជិះ​កង់​តាម​ផ្លូវ​ជុំវិញ​ឆ្នេរ Copacabana ក្នុង​ក្រុង Rio de Janeiro ប្រទេស​ប្រេស៊ីល កាល​ពី​ថ្ងៃ​ទី ១៩ ខែ​ឧសភា។ រូបថត៖ AFP