ប្រជាជនចិនដែលរស់នៅក្បែរតំបន់ជាប់ព្រំដែនមីយ៉ាន់ម៉ាកំពុងជួបការលំបាកទ្វេរដងដោយសារជំងឺរាតត្បាត Covid-19និងការគំរាមកំហែងនៃការប្រយុទ្ធគ្នានៅម្ខាងទៀតនៃព្រំដែន។SCMP បានដកស្រង់ប្រភពរដ្ឋាភិបាលនៅទីក្រុងRuiliខេត្តYunnanប្រទេសចិនដែលជាតំបន់ជាប់ព្រំដែនមីយ៉ាន់ម៉ា បាននិយាយថាមនុស្សចំនួន២,០០០នាក់នៅក្នុងទីក្រុង Wanding ត្រូវបានគ្រោងនឹងជម្លៀសចេញ។ កាលពីដើមពាក់កណ្តាលខែនេះអ្នកស្រុកម្នាក់នៅWandingបានរងរបួសខណៈដែលផ្ទះជាច្រើនត្រូវបានបំផ្លាញដោយសារគ្រាប់កាំភ្លើងប្រយុទ្ធគ្នាជាប់ព្រំដែន។Wanding ស្ថិតនៅចម្ងាយតែ៥០ម៉ែត្រពីទីក្រុង Pang Hseng ក្នុងរដ្ឋShanនៃប្រទេសមីយ៉ាន់ម៉ា។នេះជាកន្លែងដែលកងទ័ពមីយ៉ាន់ម៉ានិងកងកម្លាំងប្រដាប់អាវុធនៃជនជាតិភាគតិចនៅShanបានប្រយុទ្ធគ្នាតាំងពីខែសីហាមក។មន្ត្រី​រូប​នេះ​បាន​និយាយ​ក្នុង​លក្ខខណ្ឌ​សុំ​មិន​បញ្ចេញ​ឈ្មោះ​ថា៖ «យើង​បាន​គប់​បាវ​ខ្សាច់​ជុំវិញ​សាលានិង​កន្លែង​មួយ​ចំនួន​ដែល​អ្នក​ស្រុក​ដើរ​កាត់»។
បន្ទាប់​ពី​រដ្ឋប្រហារ​យោធា​នៅ​ដើម​ខែ​កុម្ភៈស្ថានភាព​នៅ​មីយ៉ាន់ម៉ា​នៅ​តែ​ស្មុគស្មាញ។ កាលពីខែកញ្ញា ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស Michelle Bachelet បានព្រមានពីហានិភ័យនៃសង្គ្រាមស៊ីវិលនៅក្នុងប្រទេសមីយ៉ាន់ម៉ា។បន្ទាប់​ពី​ភាព​ចលាចល​ផ្នែក​នយោបាយ យោធា​មី​យ៉ាន់​ម៉ា​ត្រូវ​ប្រឈម​មុខ​នឹង​ការ​កើនឡើង​នៃ​ការ​តវ៉ានិង​ប្រឈម​មុខ​នឹង​ក្រុម​ប្រដាប់​អាវុធ​ជនជាតិភាគតិច​នៅ​តំបន់​ព្រំដែន ។ក្រុម​ជា​ច្រើន​បាន​បញ្ចេញ​សំឡេង​ប្រឆាំង​នឹង​រដ្ឋប្រហារ។ប្រភព​ក៏​បាន​បញ្ជាក់​ផង​ដែរ​នូវ​សេចក្តី​ជូន​ដំណឹង​ដែល​ចេញ​ដោយ​រដ្ឋាភិបាល Wanding កាល​ពី​ថ្ងៃ​ទី១៩ខែ​តុលា​ថា ជម្លោះ​នៅ Pang Hseng បាន​បណ្តាល​ឲ្យ​មាន​មនុស្ស​ស្លាប់និង​ខូចខាត​ទ្រព្យសម្បត្តិ​ដល់​ប្រជាជន Wanding។ រដ្ឋាភិបាល​បាន​ស្នើ​ឲ្យ​ប្រជាជន​ដាក់​កម្រិត​សកម្មភាព​ពូននៅ​ពេល​ពួកគេ​បាន​ឮ​ស្នូរ​កាំភ្លើង។ផែនការជម្លៀសនេះបានកើតឡើងពីរខែបន្ទាប់ពីប្រទេសចិនបានជម្លៀសមនុស្សចំនួន៥,០០០នាក់នៅក្នុងCounty Jiegao, Rui Le ទៅកាន់មជ្ឈមណ្ឌលមួយចម្ងាយ១០០គីឡូម៉ែត្រ ដើម្បីបង្កើតតំបន់ការពារគ្មានមនុស្សរស់នៅដើម្បីការពារហានិភ័យនៃការរីករាលដាលនៃមេរោគ Covid-19 ដែលរីករាលដាលចូលទៅក្នុងប្រទេសចិនពីឆ្លងព្រំដែន។ទាំងស្រុក Jiegao និងទីប្រជុំជន Wanding មានទីតាំងនៅជិតស្ពានJiegaoដែលជាផ្លូវសំខាន់តភ្ជាប់មីយ៉ាន់ម៉ានិងចិន។កន្លែងនេះធ្លាប់ជាកន្លែងជួញដូរដ៏មមាញឹកសម្រាប់វត្ថុធ្វើពីត្បូងនិងសំណប៉ាហាំង។ជំងឺរាតត្បាតCovid-19 ជាមួយនឹងវ៉ារ្យ៉ង់Deltaដែលរីករាលដាលនៅក្នុងតំបន់អាស៊ីអាគ្នេយ៍បានធ្វើឱ្យអាជ្ញាធរខេត្តយូណាន “ឈឺក្បាល” ក្នុងការស្វែងរកវិធីដើម្បីកំណត់ករណីនាំចូលចូលទៅក្នុងប្រទេសចិន។ ពួកគេ​បាន​កត់ត្រា​ករណី​នាំចូល​ជាប់លាប់ហើយ​ខ្លះ​បាន​បង្ក​ឲ្យ​មានការ​ផ្ទុះឡើង​ជា​ចង្កោម​ក្នុង​សហគមន៍។
នេះបង្កបញ្ហាប្រឈមដ៏ធំមួយសម្រាប់អ្នកដែលធ្វើអាជីវកម្មនៅតាមព្រំដែនរវាងមីយ៉ាន់ម៉ានិងចិន ដោយសារការរឹតត្បិតដ៏តឹងរ៉ឹងនិងបទបញ្ជាបិទផ្លូវដែលត្រូវបានដាក់ក្នុងរយៈពេលជាច្រើនខែកន្លងមកនេះ បានប៉ះពាល់ដល់ជីវភាពរស់នៅរបស់ពួកគេ។ បច្ចុប្បន្នប្រទេសមីយ៉ាន់ម៉ាមានអ្នកឆ្លងជំងឺCovid-19 ជាង ៥០០,០០០នាក់ និងមានអ្នកស្លាប់ចំនួន ១៨,៥០០នាក់ ដោយសារជំងឺរាតត្បាត៕យោងតាមSCMP

តំបន់ព្រំដែនចិន-មីយ៉ាន់ម៉ា (រូបថត៖ AFP)