រដ្ឋស​ភា​កម្ពុជា​ច្រានចោល​ចំ​ពោះ​សេចក្តី​សម្រេច​រ​បស់​សភា​អឺរ៉ុប​

​រដ្ឋសភា​នៃ​ព្រះរាជាណាចក្រកម្ពុជា​បាន​ចេញ​សេចក្តីថ្លែង​ការណ៍​ច្រានចោល​សេចក្តី​សម្រេច​របស់​សភា​អឺរ៉ុប​នា​ពេលថ្មីៗនេះ​ប្រឆាំង​នឹង​កម្ពុជា​។​
សេចក្តីថ្លែង​ការណ៍​ទាំងស្រុង​ ​ចុះ​ថ្ងៃ​ទី​៩​ ​ខែ​ឧសភា​ ​មានខ្លឹមសារ​ដូច​ខាងក្រោម​៖​
​រដ្ឋសភា​នៃ​ព្រះរាជាណាចក្រកម្ពុជា​បាន​សម្តែង​នូវ​ការ​ខកចិត្ត​ជា​ខ្លាំង​ចំពោះ​សេចក្តី​សម្រេច​របស់​សភា​អឺរ៉ុប​ស្តីពី​ការ​បង្ក្រាប​ជាបន្តបន្ទាប់​ទៅលើ​ក្រុម​អ្នកនយោបាយ​នៃ​គណបក្សប្រឆាំង​នៅ​កម្ពុជា​ដែល​អនុម័ត​នៅ​ថ្ងៃ​ទី​៥​ ​ខែ​ឧសភា​ ​ឆ្នាំ​២​០​២​២​ (​២​០​២​២​/​២​៦​៥​៨​ (RS​P​)) ​និង​សូម​ច្រានចោល​ទាំងស្រុង​ចំពោះ​សេចក្តី​សម្រេច​នេះ​ ​ដោយ​ផ្អែកលើ​មូលដ្ឋាន​ដូច​ខាងក្រោម​៖​
1. ​ដូច​មាន​ចែង​ក្នុង​ធម្មនុញ្ញ​អង្គការសហប្រជាជាតិ​ ​រដ្ឋ​ទាំងអស់​ដោយ​មិន​គិត​ពី​ទំហំ​ ​និង​ប្រព័ន្ធ​នយោបាយ​មាន​អធិបតេយ្យភាព​ស្មើគ្នា​ ​និង​សិទ្ធិ​ក្នុង​ការ​សម្រេច​ចិត្ត​ដោយខ្លួនឯង​ ​ដោយ​មិន​អាច​ទទួលការ​រំលោភបំពាន​បាន​ឡើយ​។​ ​លើស​ពីនេះទៅ​ទៀត​ ​សន្ធិសញ្ញា​មិត្តភាព​ ​និង​កិច្ច​សហប្រតិបត្តិការ​នៅ​អាស៊ី​អាគ្នេយ៍​ (​T​A​C) ​ឆ្នាំ​ ​១​៩​៧​៦​ ​បាន​ហាមឃាត់​ការ​ជ្រៀតជ្រែក​កិច្ចការ​ផ្ទៃក្នុង​របស់​រដ្ឋ​ដែល​ជា​សមាជិក​អា​ស៊ាន​។​ ​កម្ពុជា​ជា​រដ្ឋ​ឯករាជ្យ​ ​និង​អធិបតេយ្យ​ ​មាន​សិទ្ធិ​ពេញលេញ​សម្រាប់​ស​័្វ​យ​សម្រេច​ក្នុង​កិច្ចការរដ្ឋ​របស់​ខ្លួន​ ​ដើម្បី​ការពារ​ផលប្រយោជន៍​ស្នូល​របស់​ខ្លួន​ ​ស្រប​តាមច្បាប់​ជាតិ​ ​និង​អន្តរជាតិ​។​
2. ​សេចក្តី​សម្រេច​របស់​សភា​អឺរ៉ុប​ ​ដែល​បាន​ចេញ​កាលពី​ថ្ងៃ​ទី​៥​ ​ខែ​ឧសភា​ ​ឆ្នាំ​ ​២​០​២​២​ ​គឺជា​ការ​បំផ្លៃ ​ការលំអៀង​ ​មាន​ចរិត​នយោបាយ​ប្រកាន់​ភាគី​ម្ខាង​ៗ​ ​និង​មិន​គោរព​ចំពោះ​រដ្ឋ​អធិបតេយ្យ​។​ ​សេចក្តី​សម្រេច​នេះ​ ​ក៏ដូចជា​សេចក្តី​សម្រេច​ដែល​បាន​ចេញ​នា​ពេល​កន្លងមក​ ​ស្តីពី​កម្ពុជា​ ​មាន​ចេតនា​មើល​រំលង​វឌ្ឍនភាព​នៃ​សិទ្ធិមនុស្ស​ ​និង​កំណែ​ទម្រង់​លទ្ធិប្រជាធិបតេយ្យ​ក្នុង​ប្រទេស​។​ ​ពួកគេ​ពឹងផ្អែក​ទាំងស្រុង​តែ​លើ​ប្រភព​ព័ត៌មាន​ដែល​គ្មាន​ការ​បញ្ជាក់​ច្បាស់លាស់​ ​ផ្តល់​ដោយ​អ្នកនយោបាយ​ឆ្វេង​និយម​ ​និង​ពួក​ប្រជា​កល​និយម​ ​សកម្មជន​នយោបាយ​ជ្រុល​និយម​ ​និង​អង្គការ​សិទ្ធិមនុស្ស​ប្រឆាំង​រដ្ឋាភិបាល​ ​ដែល​ភាគច្រើន​មិនដែល​មក​កម្ពុជា​ ​ឬ​គ្មាន​ប្រាស័យ​ទាក់ទង​ណាមួយ​ជាមួយ​រដ្ឋាភិបាល​កម្ពុជា​។​
3. ​សេចក្តី​សម្រេច​នេះ​ បាន​កំណត់​ដែន​និយមន័យ​ឲ្យ​លទ្ធិប្រជាធិបតេយ្យ​ ​និង​សិទ្ធិមនុស្ស​យ៉ាង​ចង្អៀត​ ​ដែល​ថា​ប្រទេស​មួយ​មាន​លទ្ធិប្រជាធិបតេយ្យ​លុះត្រាតែ​មាន​ការចូលរួម​ពី​អតីត​មេដឹកនាំ​គណបក្ស​ឆ្វេង​និយម​ ​និង​ពួក​ប្រជា​កល​និយម​មួយក្តាប់​តូច​ ​ឬ​លុះត្រាតែ​មាន​ការអនុញ្ញាត​អោយ​គណបក្ស​នយោបាយ​ដែល​ត្រូវ​បាន​រំលាយ​ដោយ​តុលាការ​ត្រូវ​បាន​បើក​ដំណើរការ​ឡើងវិញ​។​ ​សេចក្តី​សម្រេច​នេះ​មិន​គោរព​ទាំងស្រុង​ចំពោះ​ច្បាប់​ជាតិ​ ​និង​គោលការណ៍​ប្រជាធិបតេយ្យ​របស់​កម្ពុជា​ ​ដែល​មិនបាន​ផ្តល់​អភ័យឯកសិទ្ធិ​ជាពិសេស​ណាមួយ​ដល់​បុគ្គល​ ​ឬ​គណបក្ស​នយោបាយ​ណា​ដែល​បាន​បំពានច្បាប់​កម្ពុជា​។​
4. ​ការរិះគន់​របស់​សភា​អ៊ឺរ៉ុ​ប​ចំពោះ​ការ​គ្រប់គ្រង​ដោយ​ឯក​បក្ស​ ​គឺជា​ការរិះគន់​ដោយ​គ្មាន​ហេតុផល​។​ ​គណបក្សប្រជាជន​កម្ពុជា​ ​ត្រូវ​បាន​ប្រជាជន​កម្ពុជា​បោះឆ្នោត​ជ្រើសរើស​តាម​លទ្ធិប្រជាធិបតេយ្យ​ ​និង​រដ្ឋធម្មនុញ្ញ​។​ ​ទោះបីជា​មានការ​អំពាវនាវ​ឱ្យ​ធ្វើ​ពហិការ​ការបោះឆ្នោត​ដោយក្រុម​មួយ​ចំនួន​ក្នុង​ការបោះឆ្នោត​ជាតិ​ឆ្នាំ​ ​២​០​១​៨​ ​ក៏ដោយ​ ​អត្រា​អ្នក​ទៅ​បោះឆ្នោត​មាន​ចំនួន​ ​៨​៣​,​០​២​% ​ដោយ​ក្នុង​នោះ​ ​៧​៧​% ​បាន​បោះឆ្នោត​ឱ្យ​គណបក្សប្រជាជន​ ​ដោយសារ​ពួកគេ​ជឿជាក់​លើ​សមត្ថភាព​ដឹកនាំ​របស់​គណបក្សប្រជាជន​ក្នុង​ការ​លើក​ក​ម្ពស់​សន្តិភាព​ ​ស្ថិរភាព​នយោបាយ​ ​និង​ការ​អភិវឌ្ឍ​សេដ្ឋកិច្ច​សង្គម​។​
5. ​វិធានការ​ជាច្រើន​ត្រូវ​បាន​ដាក់​ចេញ​ដើម្បី​ធានា​ការបោះឆ្នោត​ឃុំ​សង្កាត់​ដោយសេរី​ ​យុត្តិធម៌​ ​សណ្តាប់ធ្នាប់​ ​សន្តិភាព​ ​និង​តម្លា​ភាព​នៅ​ក្នុង​ខែ​មិថុនា​ ​ហើយ​គណៈកម្មាធិការ​ជាតិ​រៀបចំ​ការបោះឆ្នោត​ ​ដោយមាន​ការ​គាំទ្រ​ផ្នែក​បច្ចេកទេស​ពី​ដៃគូ​អភិវឌ្ឍន៍​ជាច្រើន​ ​និង​អង្គការសង្គម​ស៊ីវិល​កំពុង​ធ្វើការ​ដើម្បី​ធានា​អោយ​បាន​នូវ​បរិយាកាស​អំណោយផល​ ​ក៏ដូចជា​ការ​ផ្តល់​នូវ​ដោយ​ស្មើភាព​គ្នា​នូវ​ការប្រកួតប្រជែង​សម្រាប់​គណបក្ស​នយោបាយ​ដែល​បាន​ចុះឈ្មោះ​ទាំងអស់​ ​តាម​គោលការណ៍​បោះឆ្នោត​បែប​ ​លទ្ធិប្រជាធិបតេយ្យ​ ​និង​គោល​នយោបាយ​ពហុ​បក្ស​។​ ​ដូចដែល​បាន​ធានា​ដោយ​ច្បាប់​ស្តីពី​គណបក្ស​នយោបាយ​របស់​កម្ពុជា​ ​ការ​ជ្រើសរើស​ ​និង​ការតែងតាំង​សមាជិក​ណាមួយ​នៃ​គណបក្ស​នយោបាយ​ដែល​បាន​ចុះឈ្មោះ​ចូលរួម​ប្រកួតប្រជែង​ក្នុង​ការបោះឆ្នោត​ ​គឺជា​សិទ្ធិ​ស្រប​ច្បាប់​ ​និង​អធិបតេយ្យភាព​ ​សេរីភាព​ពេញលេញ​ ​និង​ជា​ឆន្ទានុសិទ្ធិ​ទាំងស្រុង​របស់​គណបក្ស​។​ ​ជាពិសេស​ ​ការតែងតាំង​ឯកឧត្តម​ ​ហ៊ុន​ ​ម៉ា​ណែ​ត​ ​ជា​បេក្ខជន​នាយក​រដ្ឋ​ម​ន្រ្តី​សម្រាប់​ពេល​អនាគត​ដើម្បី​ឈរឈ្មោះ​ប្រកួតប្រជែង​ក្នុង​ការបោះឆ្នោតសកល​ ​គឺ​ទទួល​បានការ​គាំទ្រ​ជាឯក​ច្ឆ័ន្ទ ​តាម​គោលការណ៍​បោះឆ្នោត​បែប​ប្រជាធិបតេយ្យ​ផ្ទែ​ក្នុង​របស់​បក្ស​ ​និង​ស្របតាម​ច្បាប់ជាធរមាន​។​
6. ​ច្បាប់​ស្តីពី​គណបក្ស​នយោបាយ​របស់​កម្ពុជា​ត្រូវ​បាន​ធ្វើ​វិសោធនកម្ម​ ​ដើម្បី​ត្រួសត្រាយផ្លូវ​សម្រាប់​រាល់​អ្នកនយោបាយ​ដែល​ត្រូវ​បាន​តុលាការ​ហាមឃាត់​ ​ចូល​មក​ធ្វើនយោបាយ​សារ​ឡើងវិញ​។​ ​ជា​លទ្ធផល​ ​យ៉ាងហោចណាស់​មាន​គណបក្ស​នយោបាយ​ចំនួន​ ​៣​២​ ​មាន​សិទ្ធិ​ធ្វើនយោបាយ​ឡើងវិញ​ ​ហើយ​ពួកគេ​ខ្លះ​បាន​បង្កើត​គណបក្ស​នយោបាយ​ថ្មី​ចំនួន​ ​៦​ ​ដើម្បី​ចូលរួម​ប្រកួតប្រជែង​ក្នុង​ការបោះឆ្នោត​។​ ​អតីតមន្ត្រី​ផ្សេងទៀត​នៃ​គណបក្សប្រឆាំង​ ​មួយ​ចំនួន​មានការ​ស្ទាក់ស្ទើរ​ក្នុង​ការ​ស្នើសុំ​សិទ្ធិ​ស្តារ​នីតិសម្បទា​នយោបាយ​ឡើងវិញ​ ​ដោយសារ​ថាបើ​ធ្វើ​ដូច្នោះ​ ​ពួកគេ​ត្រូវ​បាន​អតីត​មេដឹកនាំ​របស់​ពួកគេ​ចោទប្រកាន់​ថា​ជា​ “​ជន​ក្បត់​” ​ទៅវិញ​។​
៧​-​ក្នុង​ករណី​លោក​ កឹ​ម​ ​សុខា​ ​ករណី​ជុំ​នុំ​ជំរះក្តី​របស់​លោក​ធ្វើឡើង​ស្របតាម​តម្លា​ភាព​ ​និង​មាន​ការចូលរួម​ពី​គ្រប់​ភាគី​ពាក់ព័ន្ធ​។​ ​បន្ទាប់ពី​ស្ថានភាព​ជំងឺរាតត្បាត​កូ​វី​ដ​-​១​៩​ ​នៅ​កម្ពុជា​មាន​ភាព​ប្រសើរ​ឡើង​ ​សវនាការ​ត្រូវ​បាន​បន្ត​នៅ​ថ្ងៃ​ទី​ ​១​៩​ ​ខែ​មករា​ ​ឆ្នាំ​ ​២​០​២​២​។​ ​ល្បឿន​នៃ​ដំណើរការ​ជុំ​នុំ​ជំរះ​សំណុំរឿង​ពាក់ព័ន្ធ​នឹង​ការចោទប្រកាន់​ពី​បទ​សមគំនិត​ផ្ដួល​រំលំ​រដ្ឋាភិបាល​គឺ​ស្ថិតនៅ​ក្រោម​ដែន​ស​ម្ថ​កិច្ច​របស់​តុលាការ​។​ ​យើង​សូម​គូស​បញ្ជាក់​ថា​ ​សំ​នុំ​រឿង​ឃុបឃិតជាមួយ​បរទេស​ដើម្បី​ផ្តួល​រំលំ​រដ្ឋាភិបាល​ស្រប​ច្បាប់​មិន​ត្រូវ​បាន​អត់ឱន​ដោយ​ច្បាប់​របស់​ប្រទេស​ណាមួយ​ឡើយ​ ​រួម​ទាំង​ប្រទេស​នៃ​សហភាព​អឺរ៉ុប​ផង​ដែរ​។​
8. ​កម្ពុជា​នៅតែ​ប្រកាន់ខ្ជាប់​លើ​ការ​គាំពារ​ ​និង​លើក​ក​ម្ពស់​សិទ្ធិមនុស្ស​ ​និង​លទ្ធិប្រជាធិបតេយ្យ​ក្រោម​រដ្ឋធម្មនុញ្ញ​ ​ស្របតាម​បរិ​បទ​សង្គម​ ​ប្រវត្តិសាស្ត្រ​ ​និង​វប្បធម៌​របស់​ខ្លួន​។​ ​កម្ពុជា​ប្រកាន់​ជំហររឹង​មាំ​ក្នុង​ការ​លើក​ក​ម្ពស់​លទ្ធិប្រជាធិបតេយ្យ​ពហុ​បក្ស​ ​ដើម្បី​ធានា​នូវ​សន្តិភាព​ ​សន្តិសុខ​ ​និង​ស្ថិរភាព​សម្រាប់​ប្រទេសជាតិ​។​
9. ​ការ​អនុវត្ត​សេរីភាព​នៃ​ការ​បញ្ចេញមតិ​ ​សមាគម​ ​និង​ការ​ជួប​ប្រជុំ​ដោយ​សន្តិវិធី​ ​ដោយមាន​ការទទួលខុសត្រូវ​ ​ស្រប​ច្បាប់​ ​និង​មាន​ចែង​ក្នុង​កតិកាសញ្ញា​អន្តរជាតិ​ស្តីពី​សិទ្ធិពលរដ្ឋ​ ​និង​សិទ្ធិ​នយោបាយ​ ​ត្រូវ​បាន​គោរព​។​ ​សហភាព​អឺរ៉ុប​គួរ​ជៀ​ង​វាង​ការ​អនុវត្ត​ស្តង់​ដារ​ពីរ​នៅ​ពេល​និយាយ​អំពី​តម្លា​ភាព​ ​និង​ ​គណនេយ្យ​ភាព​។​ ​ការ​បន្ទោស​លើ​ច្បាប់​របស់​កម្ពុជា​ស្តីពី​ការ​ក​ម្រិ​ត​លើ​ការ​ទទួល​មូលនិធិ​ពី​បរទេស​សម្រាប់​បម្រើ​អោយ​សមាគម​ ​និង​អង្គការ​មិនមែន​រដ្ឋាភិបាល​ ​គឺជា​រូបភាព​ជាក់ស្តែង​នៃ​ការ​អនុវត្ត​ស្តង់​ដារ​ពី​ ​និង​ប្រកបដោយ​កា​រលាក់​ពុតត្បុត​។​ ​ក្នុងនាម​ជា​ប្រទេស​តូច​ ​កម្ពុជា​ជា​កន្លែង​ដែល​មាន​ប្រព័ន្ធ​ផ្សព្វផ្សាយ​ព័ត៌មាន​ឌី​ជី​ថល​ ​និង​ប្រពៃណី​ជាង​ ​២​,​០​០​០​ដែល​រួម​ទាំង​ប្រព័ន្ធ​ផ្សព្វផ្សាយ​ដែល​រិះគន់​រដ្ឋាភិបាល​ផង​ដែរ​ ​និង​មាន​សហជីព​លើស​ពី​៦​,​០​០​០​ ​និង​អង្គការ​មិនមែន​រដ្ឋាភិបាល​ជិត​៦​,​០​០​០​ដែល​បាន​ចុះបញ្ជី​រួច​ស្រប​តាមច្បាប់​។​
10. ​សភា​អ៊ឺរ៉ុ​ប​គួរតែ​ផ្តោត​លើ​ការដោះស្រាយបញ្ហា​ដែល​ជារឿយៗ​ ​តាម​រូបភាព​ព័ត៌មាន​ក្លែងក្លាយ​ ​ប្រឌិត​ឡើង​ដោយក្រុម​អ្នកនយោបាយ​ឆ្វេង​និយម​ ​និង​ពួក​ប្រជា​កល​និយម​មួយ​ចំនួន​ ​ដែល​បាន​បង្ក​ឱ្យ​មាន​អស្ថិរភាព​សង្គម​ ​និង​ការ​បែកបាក់​ ​ក៏ដូចជា​ញុះញង់​ឱ្យ​មានអំពើ​ហិង្សា​ ​តាមរយៈ​ការ​ចេញ​នូវ​ព័ត៌មាន​ក្លែងក្លាយ​ ​ញុះញង់​អោយ​មានការ​ស្អប់ខ្ពើម​ ​ការ​បង្កាច់បង្ខូច​ ​និង​ការរើសអើង​ជាតិសាសន៍​។​
11. ​រដ្ឋសភា​នៃ​ព្រះរាជាណាចក្រកម្ពុជា​ ​ជំរុញ​ឱ្យ​សភា​អឺរ៉ុប​មើល​លើ​ទិដ្ឋភាព​សិទ្ធិមនុស្ស​ ​និង​លទ្ធិប្រជាធិបតេយ្យ​របស់​កម្ពុជា​ដោយ​ឥត​លំអៀង​ ​ដោយ​គិតគូរ​ពី​បរិ​បទ​ជាតិ​ ​និង​ប្រវត្តិសាស្ត្រ​របស់យើង​ ​និង​ចៀសវាង​ពី​ការ​អនុវត្ត​ស្តង់​ដារ​ពី​របស់​ខ្លួន​។​
12. ​យើង​អំពាវនាវ​ឱ្យ​មាន​កិច្ច​សហប្រតិបត្តិការ​ពិតប្រាកដ​ដោយ​គ្មាន​របៀបវារៈ​លាក់កំបាំង​ណាមួយ​ពី​សភា​អឺរ៉ុប​ ​ដើម្បី​ធ្វើការ​ជាមួយ​កម្ពុជា​ក្នុង​ការ​ពង្រឹង​ពហុភាគី​និយម​ ​ដើម្បី​ដោះស្រាយបញ្ហា​ប្រឈម​ទូទៅ​ដែល​កំពុង​ប្រឈម​មុខ​លើ​ពិភពលោក​ ​ដូចជា​ការ​ប្រែប្រួល​អាកាសធាតុ​ ​ជំងឺរាតត្បាត​ ​ឧក្រិដ្ឋកម្ម​ឆ្លង​ដែន​ ​និង​អសន្តិសុខ​ស្បៀង​ ​ក៏ដូចជា​ការ​លើក​ក​ម្ពស់​ទំនាក់ទំនង​រវាង​ប្រជាជន​ ​កំណើន​បៃតង​ប្រកបដោយ​បរិ​យា​ប​័ន្ន ​និង​ការ​អភិវឌ្ឍន៍​ប្រកបដោយ​ចីរភាព​។​
13. ​កម្ពុជា​ត្រៀម​ខ្លួន​ជាស្រេច​ក្នុង​កិច្ច​សហការ​ជាមួយ​សភា​អឺរ៉ុប​ ​ដើម្បី​បង្កើន​ទំនាក់ទំនង​កម្ពុជា​-​សហភាព​អឺរ៉ុប​ ​និង​ពង្រឹង​ភាពជា​ដៃគូ​យុទ្ធសាស្ត្រ​អា​ស៊ាន​-​សហភាព​អឺរ៉ុប​ ​ក្រោម​គោលការណ៍​អធិបតេយ្យភាព​ ​និង​ឯករាជ្យ​ភាព​ស្មើគ្នា​ ​និង​ឈ​រលើ​មូលដ្ឋាន​នៃ​ការគោរព​គ្នា​ទៅវិញទៅមក​ ​ការ​ជឿ​ទុកចិត្ត​គ្នា​ទៅវិញទៅមក​ ​ការយោគយល់​គ្នា​ ​និង​គ្នា​ទៅវិញទៅមក​ ​និង​ការ​ផ្តល់​ផលប្រយោជន៍​សន្តិភាព​ ​និង​វិបុលភាព​សម្រាប់​មនុស្សជាតិ​”​៕KhmerTime,​ C. N​i​k​a​ – ​A​K​P