CP​​ស្នើ​ក្រសួង​យុត្តិធម៌​​អន្តរាគម​ន៍​សកម្មជន​ខ្លួន​​ដែល​រងកា​រ​យាយី​​នៅ​មូលដ្ឋាន​

គណបក្ស​ភ្លើង​ទៀន​ (C​P​) ​បាន​ដាក់​ញត្តិ​មួយទៀត​ដែល​អះអាង​លើ​យាយី​មន្ត្រី​របស់​បក្ស​ខ្លួន ទៅ​ក្រសួងយុត្តិធម៌​ដើម្បី​ស្វែងរក​អន្តរាគមន៍​ពី​លោក​កើត ​រិទ្ធ​រដ្ឋ​ម​ន្រ្តី​ក្រសួងយុត្តិធម៌​។​
លោក​ សុ​ន​ ​ឆ័​យ​ ​អនុប្រធាន​គណបក្ស​ភ្លើង​ទៀន​និយាយ​ថា​ ​ក្រុម​ការងារ​របស់​គណបក្ស​បាន​ដាក់​លិខិត​នេះ​ទៅ​លោក​ ​កើត​ ​រិទ្ធ​ ​កាលពី​ថ្ងៃអង្គារ​។​លោក​ថា​លោក​សប្បាយចិត្ត​ដែល​ក្រុម​ការងារ​ក្រសួង​យុត្តិធម៌​បាន​ទទួល​ញត្តិ​របស់​មន្ត្រី​គណបក្សភ្លើង​ទៀន​ ​ប៉ុន្តែ​មានការ​ខកចិត្ត​ដែល​មន្ត្រី​ក្រសួង​មិន​ធានា​ថា​នឹង​មាន​ដំណោះស្រាយ​សម្រាប់​គណបក្ស​។​គណបក្សបានអះអាងថាអាជ្ញាធរ​មូលដ្ឋាន​ដែល​បាន​យាយី​ ​ឬ​ឃុំ​ខ្លួន​ដោយ​អយុត្តិធម៌​ទៅលើ​មន្ត្រី​គណបក្ស​ភ្លើង​ទៀន​ ​រួម​ទាំង​ការ​កោះហៅ​ចេញ​ដោយ​តុលាការ​ ​និង​ការសាកសួរ​ដោយ​ប៉ូលីស​មូលដ្ឋាន​។​លោក​បន្ត​ថា​ការ​កោះហៅ​សកម្មជន​ ​ និង​មន្ត្រី​គណបក្ស​ភ្លើង​ទៀននៅមូលដ្ឋាន​ស្ថិត​ក្នុង​ដែន​សមត្ថកិច្ច​របស់​តុលាការ​ខេត្ត​ ​និង​រាជធានី ​ប៉ុន្តែ​ ​«​ក្រសួង​យុត្តិធម៌​មាន​សិទ្ធិ​ធ្វើអន្តរាគមន៍​ក្នុង​ការ​ធ្វើទុក្ខបុកម្នេញ​នេះ​»​។​
លោក​បន្ថែម​ថា​៖​ ​«​ខ្ញុំ​សង្ឃឹម​ថា​ ​ក្រសួង​នឹង​រក​ឃើញ​ដំណោះស្រាយ​សមស្រប​ ​ដូចជា​ការអនុញ្ញាត​ឲ្យ​សកម្មជន​ C​P​ ​ត្រូវ​បាន​ដោះលែង​ពី​ការ​ឃុំឃាំង​វិញ​»​។​
​លោក​និយាយ​ថា​ការ​យាយី​នេះ​បាន​កើតឡើង​ក្នុង​អំឡុង​ពេល​រៀបចំ​បញ្ជី​បេក្ខជន​ ​និង​ការ​ចុះឈ្មោះ​បេក្ខជន​សម្រាប់​ការបោះឆ្នោត​ឃុំ​សង្កាត់​ ​និង​ពេល​ដែល​ C​P​ ​កំពុង​រៀបចំ​ភ្នាក់ងារ​របស់​ខ្លួន​ឲ្យ​ធ្វើជា​អ្នក​សង្កេតការណ៍​។​លោក​ ​គឹម​ ​សន្តិភាព​ ​រដ្ឋលេខាធិការ​ក្រសួងយុត្តិធម៌​​ដែល​បាន​ជួប​លោក​ សុ​ន​ ​ឆ​័​យ​ ​មិន​អាច​ទាក់ទង​សុំ​ការ​បំភ្លឺ​បានទេ​កាល​ពីម្សិលមិញ​។​លោក​ សុ​ន​ ឆ័យ​ ​ធ្លាប់​បាន​និយាយ​ថា​ ​លោក​ ​សន្តិភាព​ ​«​គ្រាន់​តែ​ទទួល​យក​ញត្តិ​ដោយ​មិន​មាន​ការ​ស្វាគមន៍​ ​ឬ​និយាយ​អ្វី​​ច្រើន​ទេ​»​។​លោក​ ​ជិន​ ​ម៉ា​លីន​ ​អ្នកនាំពាក្យ​ក្រសួងយុត្តិធម៌​ ​និយាយ​ថា​យោង​តាម​គោលការណ៍​ច្បាប់​នៃ​ការ​ទម្លាក់​ការចោទប្រកាន់​ ​ឬ​ដាក់ឲ្យ​នៅ​ក្រៅ​ឃុំ​ ​គឺជា​ការ​ទទួល​ខុស​ត្រូវ​របស់​តុលាការ​ ​ដែល​ជា​ស្ថាប័ន​ឯករាជ្យ​ក្នុង​ការ​សម្រេច​ចិត្ត​ដោយ​ផ្អែក​លើ​អង្គ​ហេតុ​ ​និង​ច្បាប់​ ​ហើយ​ក្រសួង​យុត្តិធម៌​មិន​មាន​យុត្តាធិការ​ ​និង​សិទ្ធិ​អំណាច​ក្នុង​ការ​ជ្រៀតជ្រែក​ក្នុង​រឿងក្តី​របស់​តុលាការ​ឡើយ​។​យោង​តាម​ញត្តិ​ស្វែងរក​យុត្តិធម៌​ស្តីពី​ការ​យាយី​នេះ​លោក​ ខឹ​ម​ ​មុនី​កុសល​ ​ប្រធាន​ក្រុម​ការងារ​បណ្ណោះអាសន្នគណបក្ស​ភ្លើង​ទៀន​ប្រចាំ​ខេត្ត​ប៉ៃលិន​ ​ត្រូវ​បាន​ចោទប្រកាន់​ពី​បទ​បរិហារ​កេរ្តិ៍​ ​និង​ញុះញង់​។​
លោក​ត្រូវ​បាន​តុលាការ​កោះហៅ​ឲ្យ​ចូល​បំភ្លឺ​នៅ​សាលា​ដំបូង​ខេត្ត​ប៉ៃលិន​ ​នៅ​ថ្ងៃ​ទី​២​០​ ​និង​ថ្ងៃ​ទី​២​១​ ​ខែ​មេសា​ ​ដោយ​ការ​កោះហៅ​នេះ​ត្រូវ​បាន​សុំ​ឲ្យ​ពន្យារពេល​។​លោក​ ​ស៊ឹម​ សុ​ខឿន​ ​ប្រធាន​ក្រុម​ការងារ​បណ្ដោះអាសន្ន​ ​គណបក្ស​ភ្លើង​ទៀន​នៅ​ស្រុក​ក្រគរ​ ​ខេត្ត​ពោធិ៍សាត់​ ​ត្រូវ​បាន​កោះហៅ​មកកាន់អធិការ​នគរបាល​ស្រុក​នៅ​ថ្ងៃ​ទី​២៨​ ​ខែ​មីនា​ ​ដើម្បី​សាកសួរ​។​
លោក​ ​វ៉ាន់​ ​ម៉ា​ច​ ​បេក្ខជន​ក្រុមប្រឹក្សា​ឃុំ​ឲ្យ​គណបក្ស​ភ្លើង​ទៀន​ ​នៅ​ឃុំ​ផ្ទះ​កណ្តាល​ ​ស្រុក​ស្រី​សន្ធរ​ ​ខេត្ត​កំពង់ចាម​ ​ត្រូវ​បាន​ចៅក្រម​ស៊ើបសួរ​កោះហៅ​ឲ្យ​ចូលខ្លួន​ទៅ​បំភ្លឺ​នៅ​តុលាការ​ ​ដោយ​ចោទប្រកាន់​ពី​បទ​ញុះញង់​ឲ្យ​ប្រព្រឹត្ត​បទឧក្រិដ្ឋ​។​លោក​ ​សំ​ ​គន្ធា​មី​ ​នាយក​ប្រតិបត្តិ​អង្គការ​និ​ក​ហ្វិ​ច​ (NICFEC) ​បាន​និយាយ​កាលពី​ថ្ងៃអង្គារ​ថា​ក្រសួងយុត្តិធម៌​នឹង​មិន​អាច​ធ្វើអន្តរាគមន៍​បាន​ច្រើន​ទេ​ ​ខណៈ​ការ​ធ្វើ​ទុក្ខ​បុកម្នេញ​ត្រូវ​បាន​ធ្វើ​ឡើង​ដោយ​អាជ្ញាធរ​មូលដ្ឋាន​។​​លោក​បន្ត​ថា​៖​ ​«​មានតែ​ក្រសួងមហាផ្ទៃ​ទេ​ដែល​អាច​អន្តរាគមន៍​លើ​បញ្ហា​នេះ​។​ ​យ៉ាងណាក៏ដោយ​ ​ក្រសួងយុត្តិធម៌​អាច​ធ្វើអន្តរាគមន៍​បាន​ប្រសិនបើ​ករណី​នេះ​ពាក់ព័ន្ធ​នឹង​តុលាការ​ខេត្ត​»​។​លោក​ថា​៖​​«​បញ្ហា​ទាំង​អស់​ត្រូវ​តែ​ដោះស្រាយ​ឲ្យ​បាន​ត្រឹម​ត្រូវ​ ​ដើម្បី​ធានា​ថា​ការ​បោះឆ្នោត​នា​ពេល​ខាង​មុខ​ប្រព្រឹត្ត​ទៅ​ដោយ​រលូន​ ​និង​មាន​របៀបរៀបរយ​»​៕KhmerTime


លោក សុន ឆ័យ អនុប្រធានគណបក្សភ្លើងទៀន។រូបភាព៖គណបក្សភ្លើងទៀន