ប្រធានា​​ធិបតី​អ៊ុយក្រែនបានអំពាវនាវឱ្យអង្គការស​ហប្រជាជា​តិជួយ​សង្គ្រោះជ​ន​ស៊ីវិល​នៅ​ក្នុងប​ន្ទាយ​Azovstal

ប្រធានាធិបតីអ៊ុយក្រែនលោកVolodymyrZelenskyបានអំពាវនាវដល់អគ្គលេខាធិការអង្គការសហប្រជាជាតិឱ្យជួយជម្លៀសជនស៊ីវិលដែលជាប់នៅរោងចក្រAzovstalចំពេលមានការប្រយុទ្ធគ្នាយ៉ាងខ្លាំងក្លា។ការិយាល័យប្រធានាធិបតីអ៊ុយក្រែនបានដកស្រង់សម្តីលោកVolodymyr Zelenskyបាននិយាយថា “ជីវិតរបស់ប្រជាជនដែលជាប់នៅទីនោះគឺស្ថិតនៅក្នុងហានិភ័យ។មនុស្សគ្រប់គ្នាមានសារសំខាន់ចំពោះយើង។យើងសុំជំនួយរបស់អ្នកដើម្បីជួយសង្គ្រោះពួកគេ”។ការអំពាវនាវរបស់ប្រធានាធិបតី Zelensky បានកើតឡើងចំពេលមានការកើនឡើងនៃអរិភាពនៅឯរោងចក្រដែកAzovstal ក្នុងទីក្រុង Mariupol ភាគអាគ្នេយ៍នៃប្រទេសអ៊ុយក្រែន។នៅក្នុងសុន្ទរកថារបស់លោកនៅល្ងាចថ្ងៃទី០៤ខែឧសភាប្រធានាធិបតី Zelensky បាននិយាយថាមនុស្ស ៣៤៤នាក់ទៀតត្រូវបានជួយសង្គ្រោះពីទីក្រុង Mariupol និងជាយក្រុងរបស់ខ្លួនក្នុងអំឡុងពេលជម្លៀសលើកទី២។ លោក Zelensky បាននិយាយថាការចរចានៅតែបន្តត្រូវបានធ្វើឡើងដើម្បីជួយសង្គ្រោះមនុស្សដែលជាប់នៅក្នុងរោងចក្រ Azovstal ។ លោក Zelensky បានបន្ថែមថា”នៅតែមានជនស៊ីវិលស្ត្រី កុមារ” ។លោក Zelensky បាននិយាយថា “វាត្រូវការពេលវេលាដើម្បីយកមនុស្សចេញពីចេញពីជម្រកក្រោមដី។ក្នុងលក្ខខណ្ឌបច្ចុប្បន្ន យើងមិនអាចប្រើឧបករណ៍ពិសេសដើម្បីសម្អាតកំទេចកំទីបានទេ។ មេបញ្ជាការកងវរសេនាតូច Azov នៃកងកម្លាំងប្រដាប់អាវុធអ៊ុយក្រែន ដែលកំពុងប្រយុទ្ធគ្នានៅខាងក្នុងរោងចក្រ Azovstal បាននិយាយថា ការប្រយុទ្ធគ្នាយ៉ាងសាហាវកំពុងកើតឡើងនៅទីនោះ។មេបញ្ជាការ Denis Prokopenko បាននិយាយថា “ខ្ញុំមានមោទនភាពចំពោះទាហានរបស់ខ្ញុំដែលបានខិតខំប្រឹងប្រែងយ៉ាងវិសេសវិសាល ដើម្បីទប់ទល់នឹងសម្ពាធរបស់សត្រូវ… ស្ថានភាពគឺពិបាកខ្លាំងណាស់” ។រដ្ឋមន្ត្រីការពារជាតិរុស្សីលោក SergeiShoiguបាននិយាយកាលពីថ្ងៃទី០៤ឧសភាថាទាហានដែលនៅសល់ដែលឈរជើងនៅក្នុងរោងចក្រ Azovstalត្រូវបាន “ឡោមព័ទ្ធយ៉ាងជិតតាមបរិវេណទាំងមូលនៃរោងចក្រ” ។ លោក Shoigu បាននិយាយថាភាគីអ៊ុយក្រែននៅតែបន្តមិនអើពើនឹងការអំពាវនាវឱ្យ”ដោះលែងជនស៊ីវិល និងដាក់អាវុធរបស់ពួកគេ” ។រោងចក្រ Azovstal ត្រូវ​បាន​គេ​ចាត់​ទុក​ថា​ជា “បន្ទាយ” របស់​កង​កម្លាំង​អ៊ុយក្រែនមុន​ពេល​ការ​វាយ​ប្រហារ​របស់​រុស្ស៊ី​លើ​ទីក្រុង Mariupol។ រុស្ស៊ី​បាន​ចេញ​ឱសានវាទ​ម្តង​ហើយ​ម្តង​ទៀត ដោយ​អំពាវនាវ​ឲ្យ​កងកម្លាំង​អ៊ុយក្រែន​ដាក់​អាវុធ​ចុះចាញ់។ ប៉ុន្តែ​ភាគី​អ៊ុយក្រែន​មិន​ទទួល​យក​ទេ៕យោងតាម Reuters

ប្រធានាធិបតីអ៊ុយក្រែនលោកVolodymyrZelensky។រូបភាពAFP