ប្រធានា​ធិបតី​អ៊ុយក្រែនបាននិយាយថា​លោ​កត្រូវបា​នអ​ញ្ជើញឱ្យចូលរួ​មក្នុងកិ​ច្ចប្រជុំកំ​​ពូលG20

លោកZelenksyបាននិយាយថាលោកត្រូវបានប្រធានាធិបតីឥណ្ឌូនេស៊ីអញ្ជើញឱ្យចូលរួមក្នុងកិច្ចប្រជុំកំពូលG20ដែលគ្រោងនឹងធ្វើឡើងនៅលើកោះបាលីក្នុងខែវិច្ឆិកា។ប្រធានាធិបតីអ៊ុយក្រែនលោកVolodymyr Zelenksyបានប្រកាសកាលពីថ្ងៃទី២៨ខែមេសានៅលើTwitterថា”ខ្ញុំបាននិយាយជាមួយប្រធានាធិបតីឥណ្ឌូនេស៊ីJoko Widodo ។ ខ្ញុំសូមកោតសរសើរចំពោះការអញ្ជើញរបស់លោកឱ្យចូលរួមក្នុងកិច្ចប្រជុំកំពូល G20″ ។ប្រធានាធិបតី Zelensky មិន​បាន​បញ្ជាក់​ថា​តើ​លោក​នឹង​ទទួល​យក​ការ​អញ្ជើញ​ទៅ​កិច្ច​ប្រជុំ​កំពូល G20ទេ។ការិយាល័យប្រធានាធិបតីឥណ្ឌូនេស៊ីនិងការិយាល័យរដ្ឋមន្ត្រីការបរទេសមិនបានធ្វើអត្ថាធិប្បាយភ្លាមៗលើរបាយការណ៍នេះទេ។ឥណ្ឌូណេស៊ី​បច្ចុប្បន្ន​កំពុង​កាន់​តំណែង​ជា​ប្រធាន​ប្តូរវេននៃG20។ អ៊ុយក្រែន​មិន​មែន​ជា​សមាជិក​នៃ​ក្រុម​នេះ​ទេ។ ប៉ុន្តែ​ប្រទេស​ជា​ប្រធាន G20 ជា​ញឹក​ញាប់​បាន​ស្នើ​ឱ្យ​ប្រទេស​មួយ​ចំនួន​ចូល​រួម​កិច្ច​ប្រជុំ​មុនៗ​ក្នុង​នាម​ជា​ភ្ញៀវ។Rizal Sukma អតីតអ្នកការទូតឥណ្ឌូនេស៊ី និងបច្ចុប្បន្នជាអ្នកវិភាគនយោបាយនៅមជ្ឈមណ្ឌលសម្រាប់ការសិក្សាយុទ្ធសាស្ត្រនិងអន្តរជាតិ (CSIS) បាននិយាយថាការអញ្ជើញពីប្រទេសឥណ្ឌូនេស៊ី”ឆ្លុះបញ្ចាំងពីចេតនារបស់ខ្លួនក្នុងកិច្ចខិតខំប្រឹងប្រែងដើម្បីធានាឱ្យមានការចូលរួមពីសមាជិកG20 ទាំងអស់នៅក្នុងកិច្ចប្រជុំកំពូលនាពេលខាងមុខនៅក្នុង កោះបាលី និងបង្កើតឱកាសសម្រាប់ការចរចាសន្តិភាពសម្រាប់រុស្ស៊ីនិងអ៊ុយក្រែន”។ក្រុមប្រទេសG20 បានថ្កោលទោសប្រតិបត្តិការយោធាពិសេសរបស់រុស្ស៊ីនៅអ៊ុយក្រែនដោយនិយាយថា ខ្លួនបានបង្កើនភាពតានតឹងផ្នែកភូមិសាស្ត្រនយោបាយបង្កឲ្យមានរលកនៃឥទ្ធិពលសេដ្ឋកិច្ចពិភពលោក ក៏ដូចជាបង្កឲ្យមានវិបត្តិមនុស្សសាសនា។ឯកអគ្គរដ្ឋទូតរុស្ស៊ីប្រចាំប្រទេសឥណ្ឌូនេស៊ីLyudmila Vorobieva បាននិយាយកាលពីថ្ងៃទី២៣ខែមីនាថាលោកប្រធានាធិបតី Vladimir Putin គ្រោងនឹងចូលរួមព្រឹត្តិការណ៍នេះ។សមាជិកG20មួយចំនួនបានអំពាវនាវឱ្យរុស្ស៊ីត្រូវបានដកចេញពីកិច្ចប្រជុំកំពូល។ប៉ុន្តែឥណ្ឌូនេស៊ីនិយាយថាវាលឿនពេកក្នុងការសម្រេចចិត្ត។ Vorobieva បានបញ្ជាក់ថា កិច្ចប្រជុំ G20 គឺជាវេទិកាពិភាក្សាអំពីបញ្ហាសេដ្ឋកិច្ចមិនមែនវិបត្តិដូចនៅអ៊ុយក្រែននោះទេ។ឯកអគ្គរដ្ឋទូត Vorobieva បាននិយាយថា”ជាការពិតការដករុស្ស៊ីចេញពីវេទិកានេះ នឹងមិនអាចជួយដោះស្រាយបញ្ហាសេដ្ឋកិច្ចបានទេ។ បើគ្មានរុស្ស៊ីទេវានឹងពិបាកដោះស្រាយខ្លាំងណាស់”។ Vorobievaបាននិយាយថា”យើងពិតជាសង្ឃឹមថារដ្ឋាភិបាលឥណ្ឌូនេស៊ីនឹងមិនចុះចាញ់នឹងសម្ពាធដ៏អាក្រក់ដែលលោកខាងលិចកំពុងដាក់មិនត្រឹមតែប្រទេសឥណ្ឌូនេស៊ីប៉ុណ្ណោះទេ។ប៉ុន្តែក៏មានប្រទេសជាច្រើនទៀតផងដែរ”។G20 រួមជាមួយនឹង G7 ដែលរួមមានសហរដ្ឋអាមេរិក បារាំង អាឡឺម៉ង់ អ៊ីតាលី កាណាដា ជប៉ុននិងចក្រភពអង់គ្លេសគឺជាវេទិកាអន្តរជាតិដ៏សំខាន់មួយសម្រាប់ការសម្របសម្រួលសកម្មភាពរាប់ចាប់ពីការឆ្លើយតបទៅនឹងការប្រែប្រួលអាកាសធាតុរហូតដល់ការដោះស្រាយបំណុលនៅខាងក្រៅ។G7 ត្រូវបានបង្កើតឡើងក្នុងទសវត្សរ៍ឆ្នាំ១៩៧០និងមានប្រទេសចំនួន៧ដែលមានសេដ្ឋកិច្ចឧស្សាហកម្មឈានមុខគេលើពិភពលោក។ បន្ទាប់ពីការចូលរបស់រុស្ស៊ី ក្រុមនេះបានក្លាយជាG8 ។ ទោះបីជាយ៉ាងណាក៏ដោយ រុស្ស៊ីត្រូវបានដកចេញពីក្រុមនេះក្នុងឆ្នាំ២០១៤បន្ទាប់ពីការបញ្ចូលឧបទ្វីបគ្រីមៀរបស់ខ្លួន៕យោងតាមSCMP/Hill

ប្រធានាធិបតីអ៊ុយក្រែនលោកVolodymyr Zelenksy។រូបភាពCNN