ប្រ​ជាព​​លរដ្ឋអំពាវនាវចា​ត់វិធានការ​បង្ក្រាបល្បែងស៊ី​សងចំណុច​ក្រោម​ចំការ​ស្វាយ​ក្នុង​ភូមិ​ច​ង្ហោ​នស​ង្កា​ត់​​ព្រែក​ត្នោ​ត​ក្រុង​បូ​ក​គោ​ខេត្ត​កំ​ពត

កំពត៖ប្រជាពលរដ្ឋអំពាវនាវដល់លោកស្នងការនិងលោក​អភិបាលខេត្តកំពតចាត់វិធានការ​បង្ក្រាបល្បែងស៊ីសង! ទីតាំង​សង្វៀន​ជល់​មាន់​និង​អាប៉ោង​ដុះ​ស្លែឈ្មោះនីជា​(​ម្ចាស់​សង្វៀន​)បាន​បើក​សង្វៀន​បញ្ជល់មាន់និង​វង់​បៀ​រ អាប៉ោង ទ្រង់ទ្រាយ​ធំ ដែល​កំពុង​ដំណើរការ​យ៉ាង​រលូនដែល​មាន​ផ្លូវ​ចូល​ពី​ផ្លូវជាតិចម្ងាយ​ប្រហែល​កន្លះ​គីឡូម៉ែត្រ​ជាប់​ផ្លូវ​រថភ្លើង​នៅ​ចំណុច​ក្រោម​ចំការ​ស្វាយ​ក្នុងភូមិ​ច​ង្ហោ​នសង្កាត់​ព្រែក​ត្នោតក្រុង​បូ​កគោ ខេត្ត​កំពតដែល​បាន​នឹង​កំពុង​បើក​ដំណើរការ​យ៉ាង​រលូន​លេង​ជា​រាងរាល់ថ្ងៃ ដោយមិន​ញញើត និង​អាជ្ញាធរ និង​សមត្ថកិច្ច ក្នុង​មូលដ្ឋាន​ឡើយ ដែល​ផ្ទុយ​ពី​គោលនយោបាយ «​ភូមិ​-​ឃុំ​-​សង្កាត់​មាន​សុវត្ថិភាព​» ទាំង​៧​ចំណុច របស់​រដ្ឋាភិបាល​ដែល​ដាក់ចេញ​ដោយ​ក្រសួងមហាផ្ទៃ​។​​ប្រភពពី​អ្នក​ចេញ​ចូល​លេង​ល្បែងស៊ីសង​បាន​លួចខ្សឹប​ប្រាប់​អ្នកសារព័ត៌មាន​យើង​ថា​៖ ទីតាំង​គេ​បើក​លេង​ជា​យូរណាស់​មកហើយ ឈ្មោះ នី ជា​ម្ចាស់​សង្វៀន បាន​រត់ការ​គ្រប់​ច្រកល្ហក ដើម្បី​ឲ្យ​អាជ្ញាធរ និង​សមត្ថកិច្ច ពាក់​ពន្ធ័ ជួយ​រក្សា​ភាព​ស្ងៀមស្ងាត់ ពោល​គឺ​បើក​លេង​យ៉ាង​សេរី ចំពោះ អាជ្ញា​ធរមាន​សមត្ថកិច្ច​មិនចាំបាច់​ព្រួយ​បា​រម្ហ​ឡើយ ។​
​ប្រភព​ពី​ប្រជាពលរដ្ឋ​ដែល​រស់នៅ​ជិត​ទីតាំង​ជល់​មាន់នឹង​អាប៉ោង​បានឲ្យដឹងថា​៖ ចំពោះ​ទីតាំង​ល្បែងស៊ីសង​ខុសច្បាប់​មួយ​នេះ ពីមួយថ្ងៃ​ទៅមួយថ្ងៃ គេ​ឃើញ​មាន​មនុស្ស​ចេញចូល លេង​យ៉ាងពពា​ក់ព​ពួន​គ្នា​ដោយ​មិន​ខ្លាចញញើត​អ្វី​ទាំងអស់ ហាក់បីដូច​ប្រទេស​គ្មាន​ច្បាប់​។​ពលរដ្ឋ​មានក្តីបារម្ភព្រោះការ​បើក​សង្វៀន​បញ្ជល់មាន់ និង​វង់​បៀ​រ អាប៉ោងយ៉ាង​គគ្រឹកគគ្រេង​នេះបង្ក​ឲ្យមាន​បទល្មើស ចោរកម្ម លួច ឆក់ ប្លន់ និង អំពើហិង្សាក្នុង​គ្រួសារ។​ទោះជា​យ៉ាងណា​ក្ដី បងប្អូន​ប្រជាពលរដ្ឋ​សំណូមពរ​ដល់​អាជ្ញាធរ​ពាក់ព័ន្ធ​ទាំងអស់ មេត្តា​មាន​វិធានការ​បង្ក្រាប​នូវ​ល្បែងស៊ីសង ជល់​មាន់ និង​អាប៉ោង​ខាងលើ​នេះ។ ហើយ​បងប្អូន​ប្រពល​រដ្ឋ មានសង្ឃឹម​នឹង​ជឿជាក់​លើ​លោក ស្នងការ​ខេត្ដ​កំពត​និងអភិបាល​ខេត្ត​កំពតនឹង​មាន​ចំណាត់ការ​ចំពោះ​ករណី ល្បែងស៊ីសង​ខាងលើនេះ ដើម្បី​ឲ្យស្រប​តាម គោលនយោបាយ​ភូមិ ឃុំ មាន​សុវត្ថិភាពទាំង៧ចំណុច៕នាយរ៉េត

រូបភាពសហការី