លោ​កP​utinព្រមានពី«ដាវមុ​ខ២»លោ​កខាង​លិ​ចគ្រប់គ្រ​ងទ្រព្យស​ម្បត្តិរុ​ស្ស៊ី

ប្រធានាធិបតីVladimirPutinបានចេញការព្រមានអំពីប្រទេសលោកខាងលិចមួយចំនួនដែលស្នើឱ្យរឹបអូសទ្រព្យសម្បត្តិរុស្ស៊ីនៅបរទេស។ប្រធានាធិបតីPutinបានព្រមានកាលពីថ្ងៃទី០៥ខែមេសាថា”យើងបានឮពីមន្រ្តីមួយចំនួនអំពីលទ្ធភាពនៃការរឹបអូសទ្រព្យសម្បត្តិមួយចំនួនរបស់យើង។កុំភ្លេចថានេះគឺជាដាវមុខ២” ។សេចក្តីថ្លែងការណ៍របស់លោកPutinបានកើតឡើងមួយថ្ងៃបន្ទាប់ពីប្រទេសអាល្លឺម៉ង់បាននិយាយថានិយ័តករថាមពលរបស់ខ្លួននឹងគ្រប់គ្រងក្រុមហ៊ុនGazpromGermaniaដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនឧស្ម័នយក្សរុស្ស៊ីGazprom។ទន្ទឹមនឹងនេះរដ្ឋាភិបាលអង់គ្លេសអាចសម្រេចចិត្តធ្វើអន្តរាគមន៍និងដំណើរការសាខាGazpromជាបណ្តោះអាសន្ននៅក្នុងប្រទេស។លោកPutinបាននិយាយថា “ប្រតិបត្តិការយោធាពិសេស”របស់រុស្ស៊ីនៅអ៊ុយក្រែនគឺចាំបាច់ព្រោះសហរដ្ឋអាមេរិកកំពុងប្រើអ៊ុយក្រែនដើម្បីបំភិតបំភ័យរុស្ស៊ីហើយម៉ូស្គូត្រូវតែការពារប្រជាជនដែលនិយាយភាសារុស្សីនៅអ៊ុយក្រែន។មុននេះ ប្រធានាធិបតីPutinបានចុះហត្ថលេខាលើបទបញ្ជាមួយដើម្បីបញ្ឈប់ការផ្គត់ផ្គង់ឧស្ម័នដល់ប្រទេស “មិនរួសរាយរាក់ទាក់” ប្រសិនបើប្រទេសទាំងនេះមិនបង់ប្រាក់ជាប្រាក់រូប្លិ៍ចាប់ពីថ្ងៃទី០១ខែមេសា។ ការសម្រេចចិត្តរបស់រុស្ស៊ីក្នុងការទទួលយកការទូទាត់ជាប្រាក់រូប្លិ៍សម្រាប់ប្រទេសនិងដែនដី “មិនរួសរាយរាក់ទាក់”ត្រូវបានគេនិយាយថាប៉ះពាល់ដល់អឺរ៉ុបជាចម្បងដែលពឹងផ្អែកខ្លាំងលើការផ្គត់ផ្គង់ថាមពលពីរុស្ស៊ី។លោកប្រធានាធិបតីPutinបាននិយាយថាស្ថានភាពថាមពលពិភពលោកកាន់តែអាក្រក់ទៅៗ ដែលជាលទ្ធផលនៃ “វិធានការតឹងតែងនិងមិនមែនទីផ្សារ”ដែលធ្វើឡើងដោយដៃគូរបរទេស រួមទាំងការបង្កើនសម្ពាធលើសាជីវកម្មរុស្ស៊ីGazprom។លោកPutinបានចោទប្រកាន់បណ្តាប្រទេសនៅអឺរ៉ុបពីការព្យាយាម”ស្តីបន្ទោសកំហុសរបស់ពួកគេលើសេដ្ឋកិច្ចនិងថាមពលលើប្រទេសរុស្ស៊ី” ។លោកPutinក៏បានប្រកាសថារុស្ស៊ីនឹងតាមដានយ៉ាងដិតដល់នូវការនាំចេញស្បៀងអាហារទៅកាន់ប្រទេស “មិនរួសរាយរាក់ទាក់”ដោយសារតែការដាក់ទណ្ឌកម្មរបស់លោកខាងលិចបានបង្កើនវិបត្តិស្បៀងអាហារពិភពលោកនិងបានធ្វើឱ្យតម្លៃថាមពលកើនឡើង។ប្រមុខវិមានក្រឹមឡាំងបានព្រមានថាតម្លៃថាមពលខ្ពស់ បូកផ្សំនឹងកង្វះខាតជីនឹងជំរុញឱ្យលោកខាងលិចបោះពុម្ពលុយដើម្បីទិញអាហារបន្ថែមទៀតដែលនាំឱ្យមានការខ្វះខាតស្បៀងអាហារនៅក្នុងប្រទេសក្រីក្រ។លោកPutinបាននិយាយនៅក្នុងសេចក្តីថ្លែងការណ៍មួយថា “ប្រាកដណាស់ពួកគេ(លោកខាងលិច)នឹងធ្វើឱ្យកង្វះខាតស្បៀងអាហារនៅក្នុងតំបន់ក្រីក្របំផុតនៃពិភពលោកជំរុញឱ្យមានរលកថ្មីនៃការធ្វើចំណាកស្រុកនិងជំរុញឱ្យតម្លៃស្បៀងកើនឡើង”នៅក្នុងកិច្ចប្រជុំស្តីពីការអភិវឌ្ឍន៍ផលិតកម្មស្បៀង។យោងតាមលោក Putin នៅក្រោមលក្ខខណ្ឌបច្ចុប្បន្ន “កង្វះជីនៅលើទីផ្សារពិភពលោកគឺជៀសមិនរួច” ។ប្រធានាធិបតីរុស្ស៊ីបានបន្ថែមថា “យើងនឹងត្រូវតែមានការប្រុងប្រយ័ត្នបន្ថែមទៀតក្នុងការនាំចេញអាហារទៅបរទេស ។ជាពិសេសការត្រួតពិនិត្យដោយប្រុងប្រយ័ត្ននូវការនាំចេញទៅកាន់ប្រទេសដែលមិនមានមិត្តភាពចំពោះយើង”។រុស្សីជាអ្នកនាំចេញស្រូវសាលីធំជាងគេលើពិភពលោកដោយផ្គត់ផ្គង់ស្រូវសាលីជាចម្បងទៅកាន់ទ្វីបអាហ្រ្វិកនិងមជ្ឈិមបូព៌ាហើយជាអ្នកផលិតជីនាំមុខគេ។ ប្រទេសរុស្ស៊ីផលិតជីជាង៥០ លានតោនក្នុងមួយឆ្នាំស្មើនឹង១៣%នៃផលិតកម្មជីសរុបទូទាំងពិភពលោក។លោក Putin បាននិយាយថា ទណ្ឌកម្មបានរំខានការផ្គត់ផ្គង់ជីពីប្រទេសរុស្ស៊ីនិងបេឡារុស្សខណៈដែលតម្លៃឧស្ម័នកាន់តែខ្ពស់ធ្វើឱ្យវាមានតម្លៃថ្លៃជាងក្នុងការផលិតជីនៅលោកខាងលិច។អនុប្រធានក្រុមប្រឹក្សាសន្តិសុខជាតិរុស្ស៊ីលោក Dmitry Medvedevបានព្រមានកាលពីថ្ងៃទី០១ខែមេសាថាទីក្រុងម៉ូស្គូអាចនាំចេញតែផលិតផលកសិកម្មទៅកាន់ប្រទេសជាមិត្តប៉ុណ្ណោះ។ យោងតាមលោក Medvedev ការផ្គត់ផ្គង់កសិកម្មរបស់រុស្ស៊ីដល់ប្រទេស “មិត្ត” នឹងត្រូវបង់ជាប្រាក់រូប្លិ៍និងជារូបិយប័ណ្ណរបស់ពួកគេតាមសមាមាត្រដែលបានព្រមព្រៀងគ្នា៕យោងតាម Reuters

ប្រធានាធិបតីVladimirPutin។